BATAAN – BALIK kulungan ang isang babae at kasama nitong nakalaboso ang kapatid na lalaki matapos umanong maaktuhang nagbenta ng shabu sa undercover police sa drug buy bust operation sa Brgy. Sta. Isabel, Dinalupihan.
Batay sa ulat ni Dinalupihan Municipal Police Station chief of police Lt. Col. Eduardo Guevara Jr. kay Bataan Police Director Col. Villamor Tuliao, nakilala ang magkapatid na suspek na sina Melody at Rolly Manlulu Franco, pawang mga nasa wastong edad at residente ng nabanggit na lugar.
Sa ulat ng pulisya, target ng surveillance ang babaeng suspek na matunog umano ang pangalan na sangkot sa ilegal na droga.
Kaya ng magpositibo, agad ikinasa ang buy bust operation.
Tiyempong naroon din ang nakatatandang kapatid nitong lalaki na nasapul din sa operasyon, matapos mahulian umano ng sachet ng hinihinalang shabu sa pagririkisa ng mga pulis.
Nabatid na ang babaeng suspek ay kalalaya pa lamang at nakulong ng halos tatlong taon sa Pampanga Provincial Jail sa parehong kaso ng droga.
Nakumpiska sa magkapatid na suspek ang apat na maliliit na pakete ng hinihinalang shabu at marked money na ginamit sa buy bust. ROEL TARAYAO
Related posts:
RE-ELECTED BRGY. CHAIRMAN DINAKIP SA SHABU
4 HULI SA P3.5-M SHABU
KELOT ARESTADO DAHIL SA GRANADA AT SHABU
GINANG NA NAG-VIRAL SA SOCMED TIMBOG SA BUY BUST
P7-M HALAGA NG SHABU NAKUMPISKA SA BUY BUST
TAIWANESE TIMBOG SA BUY BUST, HIGIT P20-M SHABU NAKUMPISKA
14 SACHET NG SHABU NAREKOBER SA 2 DRUG PERSONALITIES
P6-MILLION SHABU NASAMSAM SA DRUG OPS
Comments are closed.