ISABELA – ISANG lalaki ang nalunod habang ligtas ang kanyang kumpare na kanyang nakainuman sa isang water impounding facility sa Barangay Bacolod, Cauayan City.
Nakilala ang nasawi na si Felipe Bautista, 40, may asawa, ng Barangay Bacolod, Cauayan City, Isabela.
Ayon sa Cauyan CITY Rescue 922, isang tawag ang kanilang natanggap mula sa isang nagmagandang loob na naninirahan malapit sa pinangyarihan ng insidente na umano’y may isang nalulunod na lalaki sa malalim na bahagi ng water impounding facility.
Kaagad namang nagtungo ang rescue team sa naturang lugar kung saan ay mabilis na naiahon ang biktima at naisugod sa Cauayan City Hospital subalit idineklara ng manggagamot na dead on arrival ang naturang lalaki.
Napag-alamang nagkayayaan ang magkumpare dahil sa “Fathers Day’’ noong Linggo kaya sila nag-inuman sa gilid ng water impounding facility.
Naisipan umano ng biktima na maligo sa water impounding facility, subalit napunta umano sa malalim na bahagi si Bautista at nalunod. IRENE GONZALES
Related posts:
NAG-PARTY NA 2 BAGETS DUMIRETSO SA LAMAY
KOTSE NAG-DIVE SA DAGAT SAKAY NA COUPLE NALUNOD
WALANG MAKAIN, BINATA NANGISDA NALUNOD
BINATILYO NALUNOD SA IRRIGATION CANAL
BINATANG KUMUHA NG WILD PLANTS SA GUBAT NALUNOD
MAG-UTOL NA TOTOY NALUNOD SA SAPA
2 BATA, TIYUHIN NALUNOD SA ILOG
LALAKING ITINULAK SA NATURAL HOT SPRING, NALUNOD