MAINE AT DANIEL TATAPATAN ANG MOVIE NINA KATHRYN AT ALDEN

MAY nasagap kaming balita na tatapatan umano nina  Maine Mendoza at Daniel Padilla ang pelikula nina Kathryn Bernardo at Alden Rich-ards.

Hindi raw kasi susuportahan ng Alden fans ang movie nila ni Kath dahil hindi nila gusto ang tambalan ng KathDen.

Mas marami raw fans si Maine at Daniel kumpara sa dalawa kaya tiyak na mas papatok daw sa takila ang Maine at Daniel.

Kung totoo ang tsikang ito,  sino naman ang magpo-produce, APT-MZet at Star Cinema ba?

Just wait and see na lang. Dasal ng fans ni Maine at Daniel na matuloy ang tambalan ng kanilang mga idolo.

MAINE AT ALDEN ‘DI NAGTATABI SA GROUP

PICTURES NG EB DABARKADS SA ISRAEL

NASA Israel na si Alden Richards. May post si Allan K sa kanyang Ins­tagram account ng mga pictures nila ng Eat Bulaga Dabarkads.

Sa grupong kuha ay makikitang hindi nagkaka­tabi sina Maine at Alden at kung minsan ay pareho pa silang hindi kasama sa ibang group pictures.

Ang kasama ni Maine sa pictorial ay si Allan K.

Pero komento ng AlDub Nation kahit naman daw hindi nagkakatabi ang MaiChard sa pictures ay masaya na raw sila dahil nakita nilang magkasama sa iisang lugar ang kanilang celebrity idols.

Sigurado naman daw na gagawa ng paraan ang EB Dabarkads para magkausap ang controversial phenomenal tandem.

By the way, how true na may renewal of vows daw na magaganap sa Israel between Vic Sotto-Pauleen Luna at Joey de Leon-Aileen Macapagal.

PAGMUMURA NI OGIE DIAZ KAY YEN SANTOS

NAKATULONG SA KANYANG ACTING CAREER

PANSAMANTALA munang namahinga si Yen Santos sa kanyang social media account. Ang dami raw kasing pumupuna at niyang nababasa na nadaragdagan ang kanyang timbang.

Ani Yen, mapayat naman daw siya in person, pero kahit daw siya ay napupuna niyang malaki siya sa screen. Diet naman daw siya sa pagkain.

Saka may bago ring pelikula si Yen na ginagawa kung saan siya ang bida kaya kinakailangan din daw niyang mag-concentrate para dito.

“Sa taping kasi namin ng ‘Halik’ ‘pag wala akong eksena nasa socmed ako. Pag natutulog na ‘yun cellphone pa rin ang hawak. Paggising ko bukas din agad ng account ko,” saad ni Yen a.k.a. Jacky sa ‘Halik.’

‘Nga pala, nabalitaan pa naming minura raw ni Ogie Diaz si Yen nu’ng nag-uumpisa pa lang siyang mag-artista.

Magka-eksena raw silang dalawa ng writer/talent manager kung saan ay iiyak si Yen, hindi raw makaiyak-iyak ang actress.

Nag-uwian na raw lahat ng ibang kasamahan silang dalawa ni Ogie ay hindi pa natatapos makuhanan ng eksena.

Humingi si Ogie ng permiso sa direktor na siya na ang bahala na pumayag naman.

Ginawa ni Ogie, pinagsabihan si Yen ng: “Mag-aartista ka pala hindi ka naman marunong umarte at saka raw niyang pinagmumura ang dalaga.

Dito na raw umiyak si Yen na hanggang sa matapos ang eksena nilang dalawa ni Ogie ay hindi pa siya tumitigil ng kaiiyak.

Inamin naman ni Yen na totoong minura  siya ng batikang writer/talent manager/actor. Pero grateful daw siya dahil sa ginawa ni Ogie ay natuto siyang umarte kaya buong puso niyang pinasasalamatan ang huli.