MAINE AT EB DABARKADS TODO SUPORTA KAY ALDEN SA MOVIE NILA NI KATHRYN

SUMUPORTA sina Maine Mendoza at ang Eat Bulaga 1979 sa kanilang Dabarkads na si Alden Richards, sa opening day kahapon ng “Hello, Love, Goodbye” movie nila ni Kathryn Bernardo ng Star Cinema. Tweet ni Maine, (na may poster ng movie), @mainedcm GUUUYS! Hello, Love, Goodbye now showing in over 350 cinemas nationwide! Sugod na sa sinehan! Congrats, @aldenrichards02 and @bernardokath!  Si­nagot naman agad ito ni Alden ng “Thank you Ma’am Maine!”  Mabilis din namang nag-tweet back si Kathryn Bernardo @bernardokath Aaaww..salamat maine!

Masaya namang nag-comment ang fans nila ng “QUEENS!!!”

Post naman ng @eatbulaga1979 with the photo ng premiere night last July 31 sa SM Megamall, “Hello, Love, Goodbye” Now showing in 350 Cinemas Nationwide!

BENJAMIN ALVES INSPIRED DAHIL MAY BAGO NANG GIRLFRIEND 

ISA si Kapuso actor Benjamin Alves sa second batch ng workshop na ibi­nigay ng GMA Network sa kanilang mga talents sa GMA Artist Center ni internationally-acclaimed New York-based acting coach Anthony Vincent Bova, with his facilitator, actress Ana Feleo. This time Anthony returns to GMA Artist Center to introduce an extensive set of workshops on self-empowerment and meaningful character portrayal among its talents.  Nagsimula ang workshop last July 30 at tatagal ito hanggang August 8, 2019.

Naniniwala si Benj dito kaya naman isa siya sa nag-volunteer na mag-join ng workshop dahil alam niyang magagamit niya ito sa ginagawa niya at pinag-uusapan ngayong Afternoon Prime drama series na “Dahil sa Pag-ibig.”

Alam kong marami pang mabibigat na eksenang  kasunod kaya tamang-tama itong pagwu-workshop namin, sa series, I can show my character.  Iyong bashing na tinatanggap ko sa mga haters ko, na nagagalit pero kinu-congratulate din nila ako dahil mahusay ko raw nagagampanan ang role ko, that is a rewarding experience at nagpapasalamat ako sa kanila.  I also thank my co-actors dahil nagagawa ko rin ang mga eksena dahil sa kanila.”

Biniro namin si Benj na inspired siya dahil may bago na siyang girlfriend, at hindi naman niya ikinaila, si Chelsea Robato na isang model at taga-Guam din na tulad niya.  Narito ngayon sa bansa si Chelsea at nag-post si Benj nang pumunta sila ni Chelsea sa Iloilo City for a short vacation.

Ang “Dahil sa Pag-ibig” ay napapanood naman araw-araw, pagkatapos ng “Bihag” sa GMA 7.