MARCIAL SIGURADO NA SA MEDALYA SA ASIAN ELITE TOURNEY

HINDI na kinailangang lumaban ni Filipino boxer Eumir Marcial upang umabante sa semifinals ng ASBC Asian Elite Men’s and Women’s Boxing Championships sa Dubai.

Ang Olympic-bound na si Marcial ay idineklarang panalo sa kanyang quarterfinal bout laban kay  Otgonbaatar Byamba-Erdene  ng Mongolia sa middleweight (75kg) division, via forfeiture.

Ito ay makaraang hindi makalaban si Byamba-Erdene dahil sa injury na kanyang natamo kontra Ridha Talib Jabbar ng Iraq sa kanyang unang laban.

Sa  resulta, si Marcial ay nakasisiguro na ng medalya sa torneo.

Sinawing-palad naman si lightweight Jere dela Cruz nang masibak sa medal contention makaraang gapiin ni Varinder Singh ng India sa quarterfinals.

Kinuha ni Singh ang 5-0 victory laban kay Dela Cruz, na pang-apat na Filipino boxer na ngayon na nasibak sa torneo.

Bukod kay Marcial, nasa semifinals na rin sina Mark Lester Durens at Junmilardo Ogayre, na nagwagi sa kani-kanilang quarterfinal bouts at nakasisiguro na rin ng kahit bronze medal.

Pumasok din si five-time Southeast Asian Games gold medalist Josie Gabuco sa isemifinals makaraang makakuha ng bye sa quarterfinals ng women’s light-flyweight division.

Related posts:

(Pumirma ng 6-year deal sa MP Promotions) MARCIAL ISA NANG PRO (Kasado na sa Dis. 17) PRO DEBUT NI MARCIAL VS WHITFIELD MARCIAL HANDA NA VS WHITFIELD IMPRESIBO! (Marcial wagi sa kanyang unang pro fight vs Whitfield) Ika-3 medalya ng Pinas sinelyuhan: ARMENIAN FOE KO KAY MARCIAL (Ika-3 medalya ng Pinas sinelyuhan) ARMENIAN FOE KO KAY MARCIAL FINALS TARGET NI MARCIAL, PAALAM WELCOME BACK! (Petecio, Paalam, Marcial balik-Pinas)