MAROONS TUMATAG SA NO. 2

Mga laro ngayon:

(Ynares Center)

2 p.m. – Ateneo vs NU (Men)

4 p.m. – UST vs FEU (Men)

ANTIPOLO – Napanatili ng University of the Philippines ang kapit sa No. 2 spot habang pinutol ng La Salle ang two-game slide sa UAAP men’s basketball tournament kahapon sa Ynares Center dito.

Inapula ng Fighting Maroons ang mainit na paghahabol ng University of the East mula sa 13-points deficit upang maitakas ang 62-56 panalo.

Naisalpak ni Andrei Caracut ang dalawang malalaking triples sa huling 57 segundo at naibalik ng Green Archers an kanilang winning ways sa pamamagitan ng 68-61 panalo kontra Adamson.

Pinalawig ang kanilang winning streak sa tatlong laro, ang UP ay umangat sa  4-1 kartada sa likod ng defending two-time champion Ateneo na may 5-0 record.

Umakyat ang La Salle sa 2-3, kalahating laro ang agwat sa fourth-running Falcons, na bu­magsak sa 3-3.

Bagama’t hindi sila nalama­ngan, ang Maroons ay naharap sa matinding hamon laban sa Red Warriors, lalo na sa second half.

Humabol ang UE at lumapit sa 56-57 sa lay-up ni Harvey Pagsanjan, may  1:54 ang nalalabi.

Tumugon si Jaydee Tungcab ng isang corner triple na nagbigay sa UP ng 60-56 bentahe, may 1:38 sa orasan.

“We had lots of lapses, but in the end it was Jaydee that saved us with his three-point shot in the corner,” wika ni UP mentor Bo Perasol.

Iskor:

Unang laro:

UP (62) –Akhuetie 16, Ja. Gomez de Liano 15, Paras 12, Rivero 7, Tungcab 4, Ju. Gomez de Liano 3, Manzo 3, Webb 2, Murrell 0, Prado 0, Spencer 0.

UE (56) – Diakhite 21, Abanto 9, Tolentino 8, Antiporda 6, Pagsanjan 6, Suerte 4, Cruz 2, Manalang 0, Mendoza 0, Natividad 0.

QS: 23-15, 39-27, 46-42, 62-56

Ikalawang laro:

DLSU (68) – Baltazar 21, Caracut 15, Malonzo 12, Manuel 6, Lojera 5, Melecio 4, Bates 3, Bartlett 2, Cagulangan 0, Cu 0, Meeker 0, Pado 0, Serrano 0.

AdU (61) – Ahanmisi 13, Chauca 13, Camacho 12, Mojica 9, Douanga 7, Lastimosa 3, Fermin 2, Zaldivar 2, Bernardo 0, Flowers 0, Magbuhos 0, Manlapaz 0, Yerro 0.

QS: 15-21, 41-32, 52-49, 68-61