MARYHILL COLLEGE 2-0 SA U-18 TOURNEY

HINDI alintana ng Maryhill College ang four-hour land trip sa Manila at pabalik sa Lucena City sa parehong araw ng weekend at winalis ang kanilang mga laro sa Philippine National Volleyball Federation (PNVF) Under-18 Championships sa Rizal Memorial Sports Complex.

“Everybody struggled and adjusted in our first game last Saturday, but we performed better today [Sunday],” wika ni Maryhill College coach Joannes Rey Supnit.

Noong Sabado, ang tropa ng Maryhill College ay lumuwas ng Manila at pinataob ang Junction Youth Organization (JYO) of Los Banos, 25-14,25-20, at bumalik sa Lucena City matapos ang laban.

Nitong Linggo ng umaga, dumaan sila sa kaparehong routine at dinispatsa ang New Gen Volleyball Club of Santa Cruz (Laguna), 25-8, 25-10, para umangat sa 2-0 kartada sa girls’ Pool A.

Ang dahilan ng dynamic enthusiasm ng Lucena City girls’?

“The players are excited because most of them are first timers to play here in Manila,” sabi Supnit, ilang minuto bago sila sumakay ng bus pabalik sa Lucena City nitong Linggo.

“It’s amazing to see the enthusiasm of these girls from the provincial teams,” ani PNVF president Ramon “Tats” Suzara. “The federation is inspired by their love of our sport.”

Nagpakita ng katatagan sina team captain Claire Castillo, Icon Maravilla at Closer Losloso— pawang17-anyos — para sa Maryhill College sa torneo.

“Our setter [Losloso] played well both games despite the struggle and lack of sleep and rest,” sabi ni Supnit. “We’re very thankful to the support of Sister Rowena Labitigan [school official] and our coordinator Willie Pagsuyuin [team sponsor].”

Ang Volida Volleyball Club ang ikatlong girls team na nagposte ng 2-0 kasunod ng 25-18, 25-18 panalo kontra Ateneo de Manila University sa Pool D nito ring Linggo.

Wala pa ring talo ang California Precision Sports of Antipolo City sa Pool C.

Sa iba pang girls’ results, ginapi ng Angeles City ang Nagcarlan Laguna, 25-18, 15-25, 25-23, sa Pool B, at pinadapa ng Santa Rosa City ang Marikina Titans Volleyball Club, 25-11, 25-15, sa Pool C.