MATTEO GUIDICELLI ITINANGGI ANG PANUNUNTOK SA BODYGUARD NI SARAH

WALA  nang  nakapigil  sa  nangyaring  civil  wedding nina Sarah Geronimo at Matteo Guidicelli. Kahit na ang mahigpit na guwardiyang ina  ni Sarah na si Mommy Divine ay nganga sa biglaang pagpapakasal ng anak.

Pero bago naganap ang kasalan ng dalawa ay nagkaroon daw diumano ng gulo sa pagitan ni Matteo at bodyguard ni Sarah.

Dumating kasi sa lugar ng pagdarausan ng wedding ang nanay ni Sarah  na  akala  ni Matteo ay ang bodyguard ng actress ang nagsumbong kay Mommy Divine kaya nagawang suntukin daw diumano ng actor ang close-in guard ni Sarah.

Pero itinanggi ito ni  Matteo sa isang interview.

Kung pagbabasehan naman ang  police report ng CNN Philippines mula sa Taguig  tungkol  sa gulo sa civil  wedding nina Matteo at Sarah last Thursday night ay nagkaroon nga ng  pananakit ang actor sa close-in guard ni Sarah.

Sa report ay sinuntok umano ni Matteo si Jerry Tamaya (bodyguard ni Sarah) nang sabihin daw nito na dumating ang nanay ni Sarah na si Mommy Divine  “unexpectedly.”

Gusto  raw kausapin ni Mommy Divine ang kanyang  anak na si Sarah  at  pinaghinalaan na nagsumbong sa actress ay ang bodyguard.

Well,  ngayon  ay  kasal na sina Sarah at Matteo ay wala nang silbi ang pagpigil ni Mommy Divine. Isa pa, nasa  hustong  gulang na si Sarah para gawin kung anuman ang gusto niyang mangyari sa kanyang buhay.

ANNE CURTIS NAIINIP NA SA PANGANGANAK

INIP  na inip  na si Anne Curtiz  sa araw ng kanyang  panganganak  sa baby  girl  nila ni Erwan Heussaff  kaya  naisipan  niyang magpakuha ng hubad  habang  malaki pa ang kanyang  tiyan.

Mala-Demi Moore ang preggy pictorial ni Anne kung saan natatakpan lang ng kanyang kamay ang maselang bahagi ng kanyang  hubad  na  katawan.

Ginawa  raw  niya  ang  nude pictorial  dahil  birthday niya  last February 17 at  ang inilagay niyang caption sa Instagram ay,  “Birthday Suit.”

Gusto  lang  daw  niya  i-share  ang mala­king  pagbabago  ng katawan  ng  isang  babae  kapag  ito  ay  buntis.

STATEMENT NI CARLO KATIGBAK SA ABS-CBN FRANCHISE

SA  STATEMENT na inilabas ni Carlo  L.  Katigbak, President at Chief  Executive  Officer ng ABS-CBN  na, “Serbisyo  po ang layunin ng ABS-CBN. Ngunit   kami po ay hindi perpekto. Nagkakamali  din  po kami at  handa  po naming  itama  ang  anumang  pagkukulang .”

Sabi  naman ni Angel Locsin sa kanyang Instagram, “For me this is the highlight  of  his statement. Because  like any other  companies, mistakes   happen.

“No company  is  perfect, I`ve  experienced  and  heard  stories  about  other  companies  as well – in and our  of entertainment.

“If  there`s  something  wrong with the  system  then address  it  and  fix  it. Do  not take away  jobs from  people.

“Please note that  the people  in this  industry  have very  limited options.

“I  trust  that  our  Congress would  be  fair  on  this matter. Hopefully  they  would  conduct  the franchise  hearing  as soon as possible . Again, #Justlove.”

Matatandaang dating  Kapuso talent si Angel bago naging isang Kapamilya.