(Mga armas isinurender din) AYAW NANG MANGIDNAP, 5 SAYYAF SUMUKO

PILIPINO Mirror
armas

ZAMBOANGA CITY – KUSANG sumuko ang limang miyembro ng Abu Sayyaf Group (ASG) sa tropa ng pamahalaan sa lungsod na ito.

Ayon kay Police Brigadier General Froilan Quidilla, regional director ng Police Regio­nal Office sa Zamboanga Peninsula (PRO-9), ang mga ASG fighter ay mula sa Sulu at Basilan.

Sumuko sila sa Provincial Mobile Force Company sa Zamboanga del Sur at kalaunan ay dinala sa PRO-9 headquarters sa Zamboanga City.

Kinilala lamang ang mga bandido sa mga alyas na Arjun, 21; It, 20; Khaifal, 23; Khap Boy, 29; at Mat, 33.

Isinuko din ng mga bandido ang kanilang mga armas na kinabibilangan ng M14 rifle na may tatlong magazines, M16 rifle na may built-in 40mm grenade launcher, Elisco brand M16 rifle na may isang magazine, dalawang granada, isa pang M16 rifle na may dalawang magazines, M16 rifle na may built-in M203 grenade launcher, at apat na bala para sa grenade launcher.

Ayon kay Quidilla tatratuhing rebel returnees ang lima at isasai­laim sa rehabilitation program ng pamahalaan.

Sinasabing nais ng mga bandido na mabago na ang kanilang buhay at makasama ang kanilang mga pamilya nang matiwasay. EUNICE C.

Related posts:

armasARMAS AT KAGAMITAN NAKUMPISKA SA EX-SOLDIER patay-3(6 Sayyaf patay sa encounter) BRITISH COUPLE NASAGIP SA KIDNAPPER Kidnap for ransomSAYYAF MAY HAWAK PANG 7 BIHAG -AFP hostageHULING HOSTAGE NG SAYYAF NAILIGTAS NG MILITAR Major Arvin Encinas5 SAYYAF BULAGTA SA ENGKUWENTRO npa10 AGTA SUMUKO; 20 BOMBA, ARMAS AT DOKUMENTO ISINURENDER Loose firearmsOPISYAL NG BRGY NAG-IPON NG ARMAS INIREHAS Armas10 ARMAS NAREKOBER SA ENCOUNTER SITE