MGA TURISTA BAWAL PA SA PINAS

HINDI pa pinapayagan ang pagpasok ng mga dayuhang turista sa Pilipinas, kahit ang mga magmumula sa green list countries.

Inihayag  ni Bureau of Immigration (BI) Commissioner Jaime Morente na tanging mga Filipino, balikbayan, at may valid at existing long term visas mula sa green at yellow list countries ang maaring pumasok.

Ang paglilinaw ng BI ay kasunod ng mga natatanggap na tanong mula sa mga dayuhang turista na nais na makapunta sa Pilipinas.

Ayon kay Morente, maaring makauwi ng Pilipinas ang mga Filipino mula sa red list countries sa pamamagitan ng repat­riation flights at bayanihan flights na inorganisa ng government o non-government agencies.

Nitong Oktubre 15, 2021 naglabas ang Inter-Agency Task Force for the Management of Emerging Infectious Diseases (IATF-MEID) ng updated list ng Red, Green and Yellow List countries epektibo mula Oktubre 16 hanggang 31, 2021.

Inilagay ang Romania sa red list, habang 49 countries naman ang nasa green list kabilang ang Algeria, American Samoa, Bhutan, Burkina Faso, Cameroon, Cayman Islands, Chad, China (Mainland), Comoros, Republic of the Congo, Cook Islands, Eritrea, Falkland Islands (Malvinas), Gibraltar, Hong Kong (Special Administrative Region of China), Kiribati, Madagascar, Mali, Marshall Islands, Federated States of Micronesia, Montserrat, Nauru, New Zealand, Nicaragua, Niger, Niue, North Korea, Northern Mariana Islands, Palau, Poland, Saba (Special Municipality of the Kingdom of the Ne­therlands), Saint Helena, Saint Pierre and Miquelon, Samoa, Sierra Leone, Sint Eustatius, Solomon Islands, Sudan, Syria, Taiwan, Tajikistan, Tanzania, Tokelau, Tonga, Turkmenistan, Tuvalu, Uzbekistan, Vanuatu at Yemen.

Sinabi naman ng IATF-MEID na nasa yellow List ang mga bansang hindi nabanggit.

“Despite these travel restrictions, we remain hopeful that international travel will be safely revived soon,” ani Morente.

Related posts:

SCREENING NG BI SA MGA DAYUHAN SA NAIA PINAIGTING PEMBERTON DADAAN SA BUREAU OF IMMIGRATION BAGO MAKALABAS NG BANSA BAGONG IMMIGRATION LAW HINIHILING NG BI SA MGA MAMBABATAS   BI LIGTAS COVID-19 CENTER SA MUNTINLUPA BINUKSAN TRAVEL RESTRICTIONS SA PH NANANATILI-BI ONLINE APPOINTMENT SYSTEM PINAIGTING NG BI OPERASYON NG BI VS  HUMAN TRAFFICKING PINAIGTING ADVANCE PASSENGER INFO IBIGAY SA BI