NAG-APPLY pala si Miss World Philippines 2019 Michelle Dee sa Miss Universe Philippines 2022. Hindi naman kataka-taka at may posibilidad na manalo siya, lalo pa at ang kanyang inang si Melanie Marquez ay nanalong Miss International 1979.
Alam nyang hindi madali ang pagdaraanan niya sa nasabing pageant, pero handa raw si Michelle na pagdaanan ang lahat ng ito para makamit ang tagumpay. Mahirap din daw para sa kanya na abutin ang naabot ng kanyang ina pero pagsisikapan niya.
Good luck na lang Michelle Dee. You’ve got what it takes to be a beauty queen.
Umaasa siyang tulad nina Pia Wurtzback at Catriona Gray, maiuuwi rin niya ang korona. Pero iyon ay kung malulusutan muna niya ang 2022 edition ng Miss Universe Philippines na gaganapin sa April. KNM
