MILYON-MILYONG DOSES NG COVID 19 VACCINES PARATING

PARATING ngayong Agosto sa Pilipinas ang milyon milyong doses ng COVID-19 vaccine ayon kay National Task Force Against COVID-19 Chief Implementer at Vaccine Czar Carlito Galvez

Sa Talk to the People ni Presidente Rodrigo Duterte noong Lunes ng gabi ay iniulat ni Galvez na parating na sa bansa ang mga doses ng AstraZeneca, Mo­derna, Pfizer, Sinovac, at Sinopharm.

Aniya, ang parating na 1 milyong doses ng Sinopharm ay donasyon ng China sa Pilipinas na darating sa Agosto 21.

Parating din ang tatlong milyong doses ng Sinovac sa ikaapat na linggo ng Agosto, habang ang Pfizer at Moderna ay magpapadala ng 727,850 at 2.2 million doses.

Ang shipment ay bahagi ng vaccine procurement ng pamahalaan at ng private sector.

“Also, 3 million doses of COVID-19 vaccines from the COVAX vaccine-sharing program will be delivered to the country this month,” ayon kay Galvez.

Sa Metro Manila, may kabuuang 9.1million doses na ang nabakunahan hanggang Agosto 8.

Nasa 50.91 percent lang ang puntiryang populasyon sa Metro Manila na mabakunahan ng unang dose.

Habang sa Bangsamoro Autonomous Region in Muslim Mindanao (BARMM), Soccsksargen, at Central Visayas  na naitalang mababa sa COVID-19 vaccination rates, ay mayroong 10 percent  ng popu­lasyon para makamit nito ang proteksyon.

“Ito po gagawan natin ng paraan para makapag-increase ng kanilang percentage lalong-lalo na itong sa Region VII dahil sa ngayon ay nagkakaroon po ng surge,” ayon pa kay Galvez. EVELYN QUIROZ

Related posts:

PRRD INIP NA SA COVID-19 VACCINES MAS MARAMI PANG COVID-19 VACCINES, DARATING SA PINAS (Giit ng DOH official) EXPIRED NA VACCINES PUWEDE PA SMC DEPLOYS 100 DOCTORS AND NURSES TO GOV’T VACCINATION SITES, HELP ADMINISTER OVER 55,000 COVID-19 VACCINES IN NCR 4 MILYONG  BATA, BABAKUNAHAN VS TIGDAS, POLIO LIGTAS NA BAKUNA VS COVID-19 TINIYAK NG DOH $300-M PAMBILI NG BAKUNA UUTANGIN 17 POTENTIAL VACCINES VS COVID-19