PAPURI sa Maykapal ang nasambit ng mga mga nurse cop sa loob ng Camp Crame, makaraang isang naka-isolate na buntis na Police Non-Commissioned Officer ang nanganak sa pasilidad.
Sa social media ng police officer na si Arlene Adriano, ipinakita ang larawan ng bagong silang na malusog na baby boy.
Ang hindi pinangalanang ginang na pulis ay naka-isolate sa Kiangan Emergency Treatment Facility (KETF) sa loob ng Camp Crame at habang nagpapagaling mula sa COVID-19.
Ayon pa kay Adriano, nagpatulong sa kanya ang mga nurse para maisilang ng PNCO cop nang maayos ang kaniyang baby boy.
Sinabi pa ni Adriano sa Pilipino MIRROR, na ligtas ang mag-ina habang healthy ang baby boy.
EUNICE CELARIO