NAHAHARAP ngayon sa kasong frustrated parricide ang isang mister matapos saksakin nito sa leeg at katawan ang kanyang misis dahil sa matinding selos sa loob mismo ng kanilang bahay sa Purok Maligaya, Brgy. Tagudin sa bayan ng Mabini, Pangasinan.
Lumabas sa pagsisiyasat ng Mabini Municipal Police Station, bago ang pananaksak dakong alas-11:00 ng gabi ay nagkaroon muna ng mainitang pagtatalo sa pagitan ng biktimang si Maria Joyce Salvador, at asawa nitong si Daniel Magno.
Nabatid na matindi umano ang nararamdamang selos ng mister sa misis na umabot sa sukdulang kumuha ito ng kutsilyo sa kusina at binalikan ang asawa at saka inundayan ng saksak.
Nagawang makatakbo sa labas ng bahay ang biktima subalit hinabol pa rin ito ng saksak hanggang sa magpambuno ang dalawa nang abutan sila ng mga pulis.
Hindi pa umano nakontento ang suspek ay sinubukan pa nitong hawakan sa leeg ang kaniyang misis ngunit nagawang pumiglas na siyang pagkakataon ng awtoridad para agawin ang patalim at arestuhin ang suspek.
Mabilis namang dinala sa pagamutan ang ginang upang malapatan ng paunang lunas habang pansamantalang idinitine ang suspek kasabay ng ginagawang paghahanda ng kasong frustrated parricide na kahaharapin nito. VERLIN RUIZ
Related posts:
(Sinundan ng karelasyon sa ospital) BEBOT NA BINUGBOG NG LOVER, SINAKSAK HABANG GINAGAMOT
LGU EMPLOYEE HINATAW NG BASEBALL BAT, SINAKSAK PA
BINATA SINAKSAK, INIHULOG SA BALON, 8 SUSPEK WANTED
BAGONG LOVER NG EX SINAKSAK NG KELOT
JESUIT VOLUNTEER NAGISING SA PANLOLOOB, SINAKSAK NG KAWATAN
KAGAWAD SINAKSAK NG SUITOR NG ANAK
28 TARAK NG BAGETS SA 7-ANYOS NA BABAE
15-ANYOS NA OUT OF SCHOOL YOUTH SINAKSAK NG KAWATAN
Comments are closed.