MAY mga humihiling daw kay Mother Lily na pagsamahin sa isang pelikula sina
Maricel Soriano at Maine Mendoza since mas type daw ni Maine na gumawa ng comedy kaysa magdrama.
Si Maine ay may exclusive contract sa APT Entertaiment ni Mr. Tony Tuviera at puwede raw magsanib ang dalawang producers para sa movie na sana raw ay isali sa coming Metro Manila Film Festival sa December, 2018. Ibig sabihin ay ilalaban nila ito sa tuloy na movie na pagsasamahan nina Vic Sotto at Coco Martin.
Pero papayag ba si Mr. T na labanan niya si Bossing Vic, balitang may standing agreement sila nina Orly Ilacad na hindi nila sasabayan ang movie na ipo-produce ni Bossing sa festival, isa pa ay co-producers din sila. Last year, matatandaan na gumawa ng movie sina Orly Ilacad, ang “Wonder Beki” ni Paolo Ballesteros at “Trip Ubusan” nina Jose Manalo, Wally Bayola at Paolo Ballesteros, na ipinalabas bago ang MMFF 2017.
Naging blockbuster ang “Trip Ubusan” at kumita rin sa takilya ang “Wonder Beki.”
BIANCA UMALI AT KYLINE ALCANTARA PANAY ANG PASABOG
MAS na-excite at lalong tinutukan ng netizens ang “Kambal Karibal” dahil sa sunud-sunod na pasabog ng eksena: ang pagbalik ng kaluluwa ni Crisan (Bianca Umali) sa kanyang katawan, pero nasawi muli si Crisel (Pauline Mendoza) pero muling mabubuhay ang kaluluwa niya sa katawan ni Cheska (Kyline Alcantara). Based sa mga eksenang ipinakita, mukhang isang masamang Crisel na naman ang lilitaw at mas maigting na acting ang gagawin dito ni Kyline. Abangan gabi-gabi after “The Cure.”
THE CURE PINABULAANAN ANG TSISMIS NA DI TATAGAL SA ERE
WALANG katotohanan na hindi na magtatagal ang airing ng “The Cure” nina Jennylyn
Mercado at Tom Rodriguez. Ngayon ay tumataas ang rating ng epidemic serye na dinidirek ni Mark Reyes at kapana-panabik na gabi-gabi, after ng “24 Oras,” ang mga taong manganganib ang buhay, isa na rito si Charity (Jennylyn Mercado) na kahit hindi infected ay isinama sa mga infected citizens dahil lamang may sugat ito sa braso nang masabit siya nang umiwas sa taong umaatake sa kanya.
Lumilinaw na kung sino talaga ang nagnakaw ng mga vials ng gamot na naging dahilan para kumalat ang virus.
Comments are closed.