MOTHER LILY PRODUCER NA MARAMING NEGOSYO

BILYONARYA na ang Regal matriach na si Mother Lily Monteverde na aside sa pag-aaring movie outfit na Regal Entertainment, Imperial Suite Hotel sa Timog at dalawang malalaking resort sa Taal Batangas na Taal Imperial Hotel & Resort at Spring Resort sa Tabaco City na parehong dinarayo ng mahihilig mag-outing. May sarili ring editing studio si madera na suki ng mga programa ng ABS-CBN lalo na sa kanilang mga teleserye. We heard na milyon-milyong piso ang ibinabayad ng Kapamilya network kay Mother Lily rito. Well deserved naman ng said veteran movie producer ang magkaroon ng mara­ming business dahil bukod sa masipag siya ay tunay na madiskarte.

DOJ UNDERSECRETARY EMMELINE AGLIPAY PATULOY SA KANYANG ADBOKASIYA SA LUPUS

PARA sa kapareho niyang kinapitan ng sakit na lupus ay walang kapaguran si Department of Justice Undersecretary Emmeline Aglipay-Villar sa adbokasiya niya sa pagpapalaganap ng impormasyon tungkol sa sakit na ito, na ilang Hollywood celebrities ang mayroon nito. Matapos maglabas ng dalawang libro ay naging matagumpay ang photo exhibit ni Usec Em na ang laman ay kuwento ng courage at hope. Ito ay nabuo sa tulong ng sikat na photographers gaya nina Jose Antonio Aliling, Bien Bautista, Josefino Marion de Guzman at Maria Victoria Manotok, naipadama sa naturang exhibit na ginawa sa Exhibit Hall sa Greenbelt 5 Makati City ang kaalaman ng taong may lupus.

MGA GUWAPONG POLICE SA PNP NAGLARO SA “BOOM” SA EAT BULAGA

INTENSE talaga at mala-action movie ang segment ng Eat Bulaga na “Boom” last Monday ang mga player ay tatlong hunky police sa PNP kalaban ang mga foreignoy at pure foreigners. At dahil galante si Boomgga Ka Day Maine Mendoza ay P50,000 agad ang pinakawalan nito sa unang police na naglaro at nanalo naman. Kaya lang ‘yung kasunod na pulis na naglaro unang tanong pa lang ay na-boom na agad dahil mali ang sagot.

Isa sa kinaaliwang panoorin sa Boom ay ang mga throwback outfit nina Mr. Boom, Bossing Vic Sotto at Boomdat na si  dabarkad Ruby Rodriguez. At sa Dabarkads, puwede na kayong mag-audition para mag-ing players ng newest INTENSE game sa tanghalian — BOOM!  Bumuo lamang ng 3 members kada grupo. Puwedeng mag-dabarkads, pamilya,  magkatrabaho at iba pa. Magtungo lang sa Broadway Centrum, 3 to 5pm. Hanapin si Roderic Dela Cruz. Dalhin ang mga sumusunod na requirements: copy of birth certificate;  copy of one valid ID; 3R picture.