MAGIGING special guests sina lady driver Bianca Bustamante at Maharlika Pilipinas Basketball League (MPBL) commissioner Kenneth Duremdes sa virtual Philippine Sportswriters Association (PSA) Forum ngayong Martes (March 29).
Tatalakayin ni Bustamante ang kanyang pagsabak sa sa third season ng W Series 2022 motor racing championship sa weekly session na magsisimula sa alas-10 ng umaga.
Samantala, ihahayag ni Duremdes ang mga plano ng bagong MPBL season, na target na buksan April.
Ang public sports program ay itinataguyod ng San Miguel Corporation (SMC), MILO, Philippine Sports Commission (PSC), Philippine Olympic Committee (POC), Uniliver, Amelie Hotel Manila, at ng Philippine Amusement and Gaming Corporation (PAGCOR).
Ang Forum ay naka-livestream via tPSA Facebook page fb.com/PhilippineSportswritersAssociation at opisyal ding isini-share ng Radyo Pilipinas 2 Facebook page.
