(Naimpluwensyahan ni Rocco) WINWYN MARQUEZ SUMALI NA RIN SA MILITARY

TILA si Winwyn Marquez ang kauna-unahang actress na sumabak na rin sa military. Yes,  nagpa-enlist  na siya sa  military  na  ikinagulat  ng kanyang  followers.

“People  are  asking  me  why  I  want  to do this. I simply  said  because  I  want  to. That`s  it.  No  need for long  explanation.

“We  don’t   need   to  justify  what  we  want  to do, we can just  show  them  what  we women CAN do,” ang bahagi ng caption ni Winwyn sa kanyang  IG  post.

Si  Rocco Nacino raw  ang  isa  sa  nakaimpluwensya  sa  kanya  na  nauna  nang  nakapagtapos  sa military  kaya  siya sumali at sumabak na rin.

Sa  mga ganoon desisyon ay hindi nawawala ang hater ni Winwyn na nag-comment  sa post  ng beauty queen/actress na  nagsabing  kaya lang  daw siya  sumabak  sa military  ay  para  makasama sa cast ng teleserye. Kasi nga raw ay puro army-themed show na ang palabas  sa ABS-CBN  at GMA 7.

Sinagot at pinatulan naman ito ni Winwyn, “and I  got this  comment  from an account  who has a username  HOTMEN  PH (loi emoji) nice,”

Sana lang, bukod  dito ay matutunan niya  rin  ang tunay na pagiging  patriotic  sa ating  lupang  sinilangan.

At  least, si Winwyn kahit babae ay may lakas at tapang para sumabak sa mga mahihirap na training para maging reservist na tutulong  pagdating sa kagipitan ng bansa.

ANGELINE QUINTO NAGPARINIG NG SAPATOS KAY REGINE VELASQUEZ

IPINOST  ni Regine Velasquez  ang larawan  ng  kanyang  legs  na  suot ang  isang  napakagandang  sapatos  na sa porma pa lang ay halata nang isang mamahaling shoes. Pinost  ng Songbird ang nasabing sapatos para  pasalamatan  ang  @madelovelux.

Marami  ang nag-react  at  nag-comment  at isa na nga rito  ay si Angeline Quinto.

“Ang  ganda  Ms. Reg  ang  sarap  po siguro  ng may  Gucci  na sapatos  ano  po? Hahahahaha!  Bekeneemeennn po. Hahaha!” say  ni Angeline na pi­naulanan  pa  ng  sangkatutak  na emoticons na tumatawa.

Sa  himig  ng  mensahe ni Angeline ay tila  humihingi  siya ng mamahaling  sapatos  kay  Regine. Pero that  time ay wala pang sagot si Regine. But, knowing  Ms. Regine ay hindi malabo na pagbigyan nito ang paglalambing ni Angeline dahil sa dami ng mga nabiyayaan  na ng Songbird  ng  mga  mamahalin niyang  gamit  ay ano na lang ‘yung isang sapatos  na ipamigay rin niya sa kapwa singer.

Siguro ay wala pang oras si Regine na sagutin ang request ni Angeline o baka naman nahihiya siyang ipaalam na bibigyan o  tutuparin niya ang paglalambing ng huli.

Pero  knowing  Angeline  na  isa ring likas  na palabiro ay  kaya  rin bumili  ng  mamahaling  mga  gamit  dahil  marami  rin  itong  raket.