MAHIGIT sa P100 million na education aid ang naipamahagi na ng Department of Social Welfare and Development (DSWD) sa mahigit 42,000 benepisyaryo sa ikatlong araw ng nakaiskedyul nitong distribusyon.
Sa ulat ng GMA News, sa kabila ng anunsiyo ng DSWD na hindi papayagan ang walk-ins para sa pagkuha ng cash aid ay marami pa rin ang nagbakasaling magtungo sa DSWD central office.
Tinukoy ang DSWD data, sinabi sa report na hanggang alas-2 ng hapon ng Sabado, Setyembre 3, mahigit sa P100-M na ang naipamahagi sa mga benepisyaryo.
Sa Casiguran, Aurora, ilang senior citizens ang pumila para sa ayuda ngunit pinauwi sila sa kawalan ng confirmed schedule.
Iginiit ng ilang walk-in applicants na nagsumite sila ng online registration subalit walang natanggap na text confirmation.
May ilan ding nagrereklamo na hindi nila mabuksan ang website, ngunit sinabi ng DSWD na pansamantala lamang ang technical issue.
Kinansela naman ang cash distribution sa Batanes, Ilocos Sur, at Tanay, Rizal dahil sa masamang panahon. Ipagpapatuloy na lamang ang pamamahagi sa ibang araw.
Related posts:
(Inilaan ng DSWD)P73.94-M PARA SA ‘ROSAL’ VICTIMS
(Isinusulong sa Kamara)P2K MONTHLY SUBSIDY SA MAGULANG NG CWD
(Ilalabas na ng gobyerno)P50-M PONDO PARA SA DISPLACED SAUDI OFWs
(Ipinamahagi ng DSWD)P38.1-M AYUDA SA OIL SPILL-HIT FAMILIES
GANDA AT KABUHAYAN NG MINDORO, ISALBA MULA SA OIL SPILL!
PANUKALANG PARUSA SA MGA UMAABUSO SA SENIORS INIHAIN SA SENADO
ACCESS SA MATAAS NA KALIDAD NG EDUKASYON, DAAN SA PAGBUBUKAS NG MGA OPORTUNIDAD SA BUHAY
PAGTUGON NG GOBYERNO SA PANAHON NG KRISIS DAPAT PALAKASIN