(Naipamahagi na sa 4.4M indibidwal sa Metro Manila) P4.47-B NA ‘ECQ AYUDA’

NASA 4.4 milyong low-income individuals na naapektuhan ng enhanced community quarantine (ECQ) sa Metro Manila ang nakatanggap na ng cash aid mula sa pamahalaan.

Ayon sa Department of the Interior and Local Government (DILG), ipinamahagi ng local government units sa NCR ang P4.47 billion, o 40.07% ng pondong nakalaan bilang tulong pinansiyal sa may 4,477,090 indibidwal.

Noong Abril 13, sinabi ng Department of Social Welfare and Development (DSWD) na 8% lamang ng inilaang  P22.9 billion na cash aid ang ipinagkaloob sa NCR Plus area.

Ayon sa DILG, sa kasalukuyan, ang Manila, Mandaluyong, San Juan, Quezon City, at Navotas ang may pinakamalaking financial assistance na naipamahagi.

Sa datos ng DILG, ang  Mandaluyong ay nakapag-distribute na ng P243.368 million o 66.75%; San Juan,  P62.77 million o P63.78%;  Quezon City, P1.559 billion o 62.83%; at  Navotas, P108.36 million o 54.22%.

Target na benepisyaryo ang low-income individuals at yaong mga nagtatrabaho sa informal economies na benepisyaryo ng first tranche ng Social Amelioration Program (SAP).

Kabilang din ang mga nadagdag na benepisyaryo sa SAP 2, SAP wait-listed beneficiaries, at mga nasa vulnerable groups tulad ng low-income individuals na mag-isang namumuhay,  persons with disabilities at solo parents.

Related posts:

(Hanggang sa Mayo 15) ‘ECQ AYUDA’ DISTRIBUTION PINALAWIG (Apela sa DBM, DOF, DOLE) WORKERS AYUDAHAN SA 2-WEEK ECQ (Aprub kay Duterte) DAGDAG NA ECQ AYUDA SA NCR (Nawalan trabaho dahil sa ECQ) 2K TULONG SA RESIDENTE NG QC NA WALANG AYUDA AYUDA SA MAHIHIRAP BILISAN (Tuloy sa 2019) AYUDA SA JEEPNEY DRIVERS $5-M AYUDA NG US SA PAGSASAAYOS NG NAIA SECURITY P3-B AYUDA SA RICE FARMERS