(Naitala noong Enero)P414-BILLION BOI-REGISTERED INVESTMENTS

UMABOT na sa P414-billion ang investments na nakarehistro sa Board of Investments (BOI) noong Enero, ayon sa Department of Trade and Industry (DTI).

“Just in January of this year, it has already achieved about 40% of the target. It has registered ₱414-billion worth of investments that will be granted incentives,” pahayag ni Trade Secretary Alfredo Pascual sa CNN Philippines’ The Exchange.

Ayon kay Pascual, ang BOI ay nagtakda ng P1 trillion investments target para sa 2023.

“Sixty percent to go and we still have 10 more months,” ani Pascual.

Naunang inihayag ng DTI na nakalikom ang Pilipinas ng $63 billion na business pledges mula sa siyam na overseas trips ni Pangulong Ferdinand, Marcos, Jr.

Ang mga sektor na inaasahang makatatanggap ng pinakamataas na investments ay kinabibilangan ng renewable energy market, infrastructure, manufacturing, at information technology and business process management.

“The important thing is, these investments will stimulate the economy,” aniya.

Sinabi ni Pascual na “hindi nagpapahinga” ang gobyerno at aktibong isinusulong ang naturang mga commitment.

“We’re doing our work in terms of following up on these prospects. We are running after the proponents,” dagdag pa niya.