SUGATAN ang isang lalaki matapos saksakin ng kapitbahay na makialam sa away nila ng kanyang live-in partner sa Navotas City, kama-kalawa ng hapon.
Kinilala ang biktima na si Ariel Cabral, 27-anyos ng 151 Masipag St. DMCI Baywalk, Brgy. Tanza 1 na isinugod ng kanyang kapatid na ba-bae sa Tondo Medical Center dahil sa tinamong mga saksak sa likod na bahagi ng ulo.
Arestado naman sa follow up operation ng mga tauhan ng Tanza Police Sub Station ang suspek na si Kim Policris Marasigan, 26-anyos, welder ng Marasigan St. Brgy. Tanza 1, Navotas City.
Sa inisyal na imbestigasyon, dakong ala-5:00 ng hapon nang magtalo ang biktima at ang live in partner nito nang tangkaing awatin sila ng ama ng suspek.
Nakita ng suspek na nasaktan ang kanyang ama na umawat sa away at doon na nag-init ang suspek at sinaksak ng tatlong beses sa likod na bahagi ng ulo ang biktima gamit ang isang kitchen knife.
Agad namang nahuli ang suspek at nasa ligtas nakalagayan na ang biktima. VICK TANES
Comments are closed.