TRENDING ngayon ang dancing video ni Manila Mayor Francisco Isko Moreno Domagoso sa social media kung saan umabot na sa mahigit sa isang milyon ang viewers nitong linggong nakaraan.
Ang video na pinost ni Itchie Cabayan, reporter at columnist ng People’s Tonight ay mayroon na ring 61,800 shares kahapon ng tanghali at patuloy pang nadadagdagan.
Mismong si Cabayan na matagal ng kaibigan ni Moreno at presidente ng Manila CityHall Reporters’ Association (MACHRA) ang kumuha ng video matapos na kantyawan ang alkalde na magpakita ng sample ng kanyang dance moves kasama ang ilang dancing staff sa Ospital ng Maynila sa 90’s hit na “Dying Inside To Hold You” na pinasikat niTimmy Thorns.
Ang nasabing dance hit ay ang madalas na sinasayaw ng grupong kinabibilangan ni Moreno na ‘Magnificent 7″ sa That’s Entertainment sa GMA-7 kung saan siya nagsimula bilang artista.
Noong una, nagpakipot pa si Moreno sa kantyaw ng mga tao na sinegundahan naman ni Cabayan at nagsabing : “salbahe ka”, pero nagpaunlak din ito at pinamalas ang kanyang signature dance moves na ikinatuwa ng marami.
Ang pagpapakitang gilas ni Moreno sa pagsasayaw sa isinagawang programa kaugnay sa pagbubukas ng bloodbank, hemodialysis unit at TB-DOTS center sa Ospital ng Maynila na kasabay ng kanyang kaarawan noong Oct. 24. VERLIN RUIZ
Related posts:
ISKO, 3 PA ITINALAGA NI DUTERTE
PRODUCTIVE 100 DAYS NI ISKO KINILALA
ISKO MORENO INUULAN NG DEATH TREATHS
TOP NCR MAYOR: JOY BELMONTE, VICO SOTTO AT ISKO MORENO
VM HONEY CAN LEAD MANILA, KUNG ‘AAKYAT’ SI YORME ISKO – BAGATSING
ISKO, ‘ADOPTED SON’ NA NG LIPA CITY, BATANGAS
(Ayon sa RPMD survey) ISKO MORENO NO. 1 PARA PRESIDENTE
ISANG MATAPANG NA LIDER NA TULAD NI YORME ISKO ANG KAILANGAN NG PILIPINO
Comments are closed.