TINUTUGIS ng pinagsanib na puwersa ng Bureau of Custom (BOC), National Bureau of Investigation (NBI) at Department of Trade and Industry (DTI) ang mga negosyante na nasa likod ng overpriced na personal protective equipment (PPE) at medical supplies sa Metro Manila.
Ang mga abusadong negosyante ay pananagutin sa paglabag sa Bayanihan to Heal as One Act at ang kanilang ginagawa ay pananamantala habang pinaiiral ang Luzon-wide Enhanced Community Quarantine (ECQ) para mapigilan ang pagkalat ng coronavirus disease 2019 o COVID-19.
Matatandaan na noong March 25 at March 31 ay sinalakay ng BOC-IG ang tatlong tindahan ng medical supplies sa Maynila at nakumpiska ang tinatayang P20 million na halaga ng mga PPE at medical supplies na kinabibilangan ng face masks, gloves, goggles, at medical items tulad ng alcohol, thermal scanners, test tubes, at syringes.
Samantala, isang hot pursuit operation ang ikinasa ng BOC, NBI at DTI, kasama ang Philippine Coast Guard (PCG), laban sa mga trader na nagbebenta ng gamot sa coronavirus na walang permit mula sa Food and Drugs Administration (FDA). FROILAN MORALLOS
Related posts:
PPE, MEDICAL SUPPLIES PINANGANGAMBAHANG GAMITIN SA MONEY LAUNDERING
KULONG, MULTA SA TRADERS NA MAGSASAMANTALA SA PAGSABOG NG BULKANG TAAL
(Iminungkahi ng solon) MASS PRODUCTION NG PPE
LOCAL PRODUCTION NG PPE AARANGKADA NA, 10K ARAW-ARAW
DTI TURNS OVER PPE DONATIONS FROM JAPANESE COMPANIES TO LAGUNA FRONTLINERS
PPEs NA GAWANG PINOY GAMITIN
DTI-12 capacitates local sewers of Cotabato City in PPE suit making
(Pinasisilip sa Kamara) PAGBILI NG IMPORTED PPE
Comments are closed.