PANGASINAN- ISANG 20 anyos na college student ang natagpuang nakalibing sa baywalk sa bayan ng Lingayen.
Ang biktima ay kinilalang si Evalend Salting, 3rd year college student sa Pangasinan State University at residente ng Brgy. Sablig, Anda, Pangasinan.
Ayon kay Police Lt. Col. Amormio Somine, hepe ng Lingayen-PNP, natagpuan ang bangkay ng biktima na natatabunan ng buhangin sa Lingayen Baywalk, Pangasinan.
May hinala rin na ang biktima ay hinalay bago pinatay ng suspek.
Batay sa report ng pulisya, huling nakitang buhay ang biktima bandang alas-7 ng gabi nitong Setyembre 2 sa kuha ng closed circuit television (CCTV) footage nang umalis sa tinutuluyang apartment sa Lingayen.
Ayon sa salaysay ng caretaker na si Rea Bacarias, nakikita nilang sinusundo ang biktima ng kasintahan nito at bumabalik sa apartment pagsapit ng alas-10 ng gabi.
Nagpapatuloy naman ang ginagawang imbestigasyon ng pulisya sa naturang krimen.
Kabilang sa iimbestigahan ang nobyo ng biktima sa tatlong inimbitahan ng mga awtoridad para kuhanan ng pahayag.
Hinala ng pulisya posibleng crime of passion ang motibo sa krimen.
EVELYN GARCIA
Related posts:
ROLL CALL SA PNP PERSONNEL SA LAGUNA
50 LUGAR SA PANGASINAN LUBOG SA BAHA
LEVEL OF COORDINATION NG PNP AT AFP SENTRO NG IMBESTIGASYON
5 WANTED SA BATAS ARESTADO NG PULISYA
PNP SA S. COTABATO NANINDIGAN NA NANLABAN ANG NAPASLANG NA BOMB SUSPECT
(Isinelebra ng PNP) NATIONAL HUMAN RIGHTS CONSCIOUSNESS WEEK 2018
AFP AT PNP NAKA-FULL ALERT VS NPA HARASSMENT
PAGs MAHIGPIT NA IMOMONITOR NG AFP, PNP