NAGBUHOS si DeMar DeRozan ng 32 points, kabilang ang late game-clinching dunk, upang pangunahan ang Chicago Bulls sa 107-99 home victory kontra Utah Jazz noong Sabado ng gabi.
Hinabol ng Jazz ang 17-point deficit, subalit walang sapat na lakas para malusutan ang Bulls sa final minute tungo sa kanilang unang pagkabigo sa season. Ang 4-0 simula ang pinakamatikas ng Utah magmula noong 2006-07 season.
Umiskor si Zach LaVine ng 26, nag-ambag si Nikola Vucevic ng 16 points at 12 rebounds, at nagdagdag si Lonzo Ball ng 11 points para sa Bulls na bumawi sa kanilang unang pagkatalo sa season para itarak ang ika-5 panalo sa anim na laro.
Nanguna si Donovan Mitchell para sa Utah na may 30 points, kabilang ang 22 sa first half bagama’t bumuslo lamang siya ng 3-for-15 sa second, at nakalikom si Rudy Gobert ng 17 points, 19 rebounds at 3 blocked shots. Tumipa si Jordan Clarkson ng 16 points mula sa bench, habang nagdagdag si Bojan Bogdanovic ng 14 points.
SPURS 102, BUCKS 93
Tumirada si Dejounte Murray ng 23 points — 16 dito ay sa fourth quarter — nang gapiin ng bisitang San Antonio Spurs ang Milwaukee Bucks, 102-93, upang putulin ang four-game losing streak.
Ito ang unang panalo ng Spurs sa road ngayong season.
Umabante ang Spurs ng dalawang puntos papasok sa fourth quarter at sa 92-85 matapos ang 3-pointer ni Keldon Johnson, may 2:22 sa orasan. Pagkatapos ay isinalpak ni Murray ang isang 3-pointer, ang huli ay may 1:12ang nalalabi upang makalayo ang Milwaukee.
Nagdagdag si Derrick White ng 17 points para sa San Antonio habang umiskor si Bryn Forbes ng 16, nagtala si Johnson ng 12 points at 11 rebounds, at nag-ambag si Thaddeus Young ng 10 mula sa bench.
Nanguna si Giannis Antetokounmpo para sa Bucks na may 28 points at 13 rebounds, habang nagdagdag si Khris Middleton ng 19, kumabig si Grayson Allen ng 12, umiskor si George Hill ng 10, at kumalawit si Pat Connaughton ng 10 rebounds.
WARRIORS 103, THUNDER 82
Bumawi si Stephen Curry mula sa matamlay na first half sa pagkamada ng tatlong 3-pointers sa two-minute flurry sa kaagahan ng third period upang sandigan ang Golden State Warriors sa 103-82 pagdurog sa bisitang Oklahoma City Thunder.
Tumapos si Curry na may game-high 20 points at nag-ambag si Draymond Green ng 14 bilang bahagi ng double-double na may game-high 11 rebounds para sa Warriors, na pinatahimik ang Thunder sa ikalawang pagkakataon sa limang araw.
Hataw si Shai Gilgeous-Alexander ng team-high 15 points para sa Oklahoma City, na galing sa home win kontra Los Angeles Lakers.
Umiskor si Curry ng limang puntos lamang, ang Warriors ay abante sa rematch, 55-44, sa halftime at pagkatapos ay ng siyam lamang makaraang buksan ni Oklahoma City’s Jeremiah Robinson-Earl ang third period sa pamamagitan ng layup.
Subalit bumanat si Curry ng magkasunod na 3-pointers at pagkatapos na ipasok ni Kevon Looney ang isang layup, ay nagdagdag ng ikatlong long-range hoop upang tampukan ang 11-0 burst na nagsindi sa 20-point lead.
Nagdagdag si Curry ng dalawa pang 3-pointers, habang bumanat sina Andrew Wiggins at Chris Chiozza ng tig-isa bago matapos ang period, na nakatulong sa Golden State upang umangat sa 82-58.
Umiskor sina Wiggins at Jordan Poole ng tig-14 points at nagdagdag si Otto Porter Jr. ng 10 para sa Golden State, na galing sa unang pagkatalo sa season noong Huwebes sa isang overtime affair laban sa Memphis Grizzlies.
Sa iba pang laro, pinadapa ng host Philadelphia 76ers ang Atlanta Hawks, 122-94; pinaso ng Phoenix Suns ang Cleveland Cavaliers, 101-92;pinaamo ng Denver Nuggets ang Minnesota Timberwolves, 93-91; nadominahan ng Miami Heat ang Memphis Grizzlies, 129-103; at namayani ang Toronto Raptors kontra Indiana Pacers, 97-94.
