NEGOSYANTE, PATAY SA HATAW NG KAHOY NG MGA KAWATAN

CAGAYAN-Isang negosyante ang walang awang pinagpapalo ng kahoy sa ulo ng limang lalaki makaraang holdapin sa loob ng kanilang bahay sa bayan ng Baggao.

Kinilala ng Baggao Police Station ang biktima na si Reynante Jose, 60-anyos, residente ng Zone 1, Barangay Adaoag, Baggao, Cagayan, kilalang buy and sell ng mga kalabaw at baboy sa kanilang bayan.

Ayon kay P/Lt. Jack Urian, Deputy Chief of Police ng PNP-Baggao sa isinagawang imbistigasyon sa kinakasama ng biktima na si Norma Ibatara, gabi ng Hulyo 23, 2021 habang naghahanda na sila matulog ng kanyang live-in partner kasama ang isa nilang apo, nang makarinig sila ng mga tahulan ng kanilang mga alagang aso mula sa labas ng kanilang tahanan at nang buksan nila ay tumambad sa kanila ang limang kalalakihan na pawang naka-bonnet

Dahil nabigla ang mga biktima, wala itong nagawa nang sunggaban ang biktimang si Reynante Jose at hinilang palabas sa kanilang bahay sabay pasok ng dalawang suspek at tinutukan si Norma ng patalim kasabay ng katagang ilabas ninyo ang inyong pera.

Dahil sa takot ay kaagad na inilabas ng nanginginig sa takot na si Norma ay inilabas ang nagkakahalaga ng mahigit sa P200,000 at iniabot sa mga suspek.

Nang maibigay ang perang hinihingi ng limang suspek kay Norma ay tinalian ito kabilang ang kanilang apo na menor de-edad , na ayon sa kinakasamang biktima nakita niya umano ang paulit-ulit at walang habas na pinagpapalo ng kahoy sa ulo ang biktima hanggang sa ito ay mamatay.

Pinaniniwalaan ng awtoridad na maaring kakilala ng biktima ang mga suspek dahilan ito upang patayin ang biktima na ayon naman kay Norma hindi niya namukhaan ang limang salarin. IRENE GONZALES

Related posts:

NEGOSYANTE TIMBOG SA DROGA NEGOSYANTE NILIKIDA NG RIDING IN TANDEM MAG-ASAWANG NEGOSYANTE PINAGBABARIL NEGOSYANTE PINAULANAN NG BALA NEGOSYANTE NADALE SA PAMAMARIL NEGOSYANTE DINUKOT NG ARMADO, PINAGHAHANAP NEGOSYANTE, ANAK NIRATRAT NG RIDING-IN-TANDEM SUSPECTS NEGOSYANTE ITINUMBA NG RIDING-IN-TANDEM