BAGAMAN dalawang taon pa mula ngayon, sinalubong ni weightlifter at Olympic gold medalist Hidilyn Diaz ang bagong taon na may bagong goal: ang sumabak sa 2024 Summer Games sa Paris, France.
Sa isang Instagram post nitong Sabado, ibinahagi ni Diaz ang kanyang larawan at ng kanyang Team HD na magkakasamang hawak ang maliit na statue ng Eiffel Tower.
Ipinost niya ito na may caption na: “New Year. New Beginning. New Goal.”
Ginamit din ni Diaz ang hashtags #paris2024, #olympics, #olympicweightlifting, at #TeamHD.
Makaraang umukit ng kasaysayan noong nakaraang taon sa pagwawagi ng kauna-unahang Olympic gold medal ng Pilipinas sa Tokyo Summer Games, sinabi ni Diaz na hindi siya sigurado kung kakayanin pa ng kanyang katawan at mental health na sumabak sa international sporting event.
Bilang pagkilala sa kanyang tagumpay, si Diaz ay tumanggap ng cash incentives, properties, lifetime free flights at gas supply mula sa public at private sector.
Nakakuha rin si Diaz ng isa pang “gold” noong Oktubre ng nakaraang taon nang maging engaged sa kanyang partner at coach na si Julius Naranjo.
Related posts:
DOUBLE TREAT KAY HIDILYN SA PSA AWARDS NIGHT
SEAG GOLD NAIDEPENSA NI HIDILYN
HIDILYN MAGRERETIRO NA PAGKATAPOS NG PARIS OLYMPICS?
BOXING QUALIFIERS SA PARIS OLYMPICS ITINAKDA NG IOC
PARIS OLYMPICS AASINTAHIN NG PINOY BOXERS
MAS MARAMING MEDALYA HANGAD NI PBBM SA PARIS OLYMPICS
HIDILYN WINALIS ANG 3 GOLDS SA WORLD WEIGHTLIFTING CHAMPIONSHIPS
HIDILYN PSA ATHLETE OF THE YEAR