(Noong Pebrero) PH EXPORTS BUMAGSAK

LUMAKI ng trade deficit ng Filipinas noong Pebrero sa likod ng malaking pagbaba sa exports at ng pagbawi ng imports sa naturang panahon, ayon sa Philippine Statistics Authority (PSA).

Ang  balance of trade in goods ng bansa — ang pagkakaiba sa pagitan ng halaga ng exports at imports — ay nagtala ng deficit na $2.29 billion, mas mataas ng 16.5% kumpara sa $1.968-billion noong February 2020.

“A deficit indicates that the value of a country’s imports exceeded export receipts, while a surplus indicates more export shipments than imports,” paliwanag ng PSA.

Ang  trade in goods gap ay resulta ng -2.3% pagbaba sa exports at  2.7% paglago sa imports.

Sa datos ng PSA, ang  PH exports ay nagkakahalaga ng $5.3 billion, mas mababa sa  $5.43 billion na naitala sa kaparehong panahon noong nakaraang taon.

Ang year-to-date export earnings mula Enero hanggang Pebrero ay nasa $10.83 billion, mas mababa ng  -3.6% kumpara sa export value na kinita sa kahalintulad na panahon noong nakaraang taon.

Sa major trading partner, ang exports sa United States of America ang may pinakamataas na export value na nagkakahalagang $895.74 million o 16.9% ng total exports noong Pebrero.

Ang iba pang major export trading partners ng bansa ay ang Japan, $880.59 million (16.6%);

Hong Kong, $659.22 million (12.4%);  People’s Republic of China, $639.42 million (12.0%); at Thailand, $260.24 million (4.9%).

Samantala, lumago ang imports sa $7.6 billion mula sa $7.4 billion noong Pebrero ng nakaraang taon.

“The annual increment of imported goods in February 2021 was due to the increase in seven of the top 10 major commodity groups which was led by telecommunication equipment and electrical machinery (23.2%). This was followed by other food and live animals (13.7%); and plastics in primary and non-primary forms (8.8%),” paliwanag ng PSA.

Ayon pa sa ahensiya, ang People’s Republic of China ang pinakamalaking supplier ng imported goods ng bansa sa $1.90 billion o 24.9% ng total imports noong Pebrero.

Ang iba pang major import trading partners ng bansa ay ang Japan, $693.19 million (9.1%);  Republic of Korea, $680.96 million (9.0%); Singapore, $560.16 million (7.4%); at Indonesia, $513.85 million (6.8%).

Related posts:

(PH, US nagkasundo) PINEAPPLE, MANGO EXPORTS PALALAWAKIN (Noong Pebrero)PH TRADE DEFICIT LUMIIT EXPORT SECTOR PALALAKASIN PAGPAPALAKAS SA PHILIPPINE EXPORTS (Magpapalakas sa exports, investments) RENEWAL NG PH SA EU GSP+ (Noong Hulyo) PH TRADE DEFICIT LUMAKI; EXPORTS, IMPORTS BUMABA AVOCADO EXPORT NG PH SA SOKOR (Lumarga na) INDIA MAG-E-EXPORT NG 295K MT NG BIGAS SA PINAS