OBIENA BRONZE SA NORWAY TILT

NAHILA ni EJ Obiena ang kanyang sariling medal streak makaraang magwagi ng bronze medal sa Oslo Bislett Games sa Norway nitong Biyernes.

Na-clear ng Filipino pole vault ace ang 5.81 meters habang naghari si world no.

1 Armand Duplantis ng Sweden sa torneo makaraang magtala ng 6.01, habang nakopo ni American Christopher Nilsen ang silver na may 5.91m.

Nilagtawan ni Obiena ang 5.41m bago na-clear ang 5.61m, 5.71m, at 5.81m heights sa unang pagtatangka lamang.

Makaraan ang dalawang bigong attempts sa 5.91m, matagumpay niya itong nalusutan sa huling paglundag.

Tinangka niyang lumundag sa 6.01m subalit nabigo para magkasya sa third place finish.

Ang 27-year-old Filipino Olympian ay galing sa makasaysayang gold medal finish sa Bergen Jump Challenge noong nakaraang Sabado, kung saan nagtala siya ng bagong national at Asian record na 6.00 meters.