OIL COMPANIES MAGBABABA NG PRESYO NG PETROLYO NGAYON LINGGO

PILIPINO Mirror
PETROLYO

IKASISIYA ng mga motorista ang pagbaba ng presyo ng petrolyo ngayong linggo matapos ang tatlong linggong magkakasunod na pagsipa nito.

Sa magkakahiwalay na abiso, inanunsiyo ng SEAOIL Philippines Inc., Chevron Philippines Inc. (Caltex), at Pilipinas Shell Petroleum Corp., ang  rollback sa presyo kada litro ng gasoline sa P0.70, diesel ng P1.00, at kerosene ng  P1.25.

Ipatutupad naman ng Petro Gazz, PTT Philippines Corp., Unioil Petroleum Philippines Inc., at Phoenix Petroleum Philippines Inc. ang kaparehong adjustments maliban sa kerosene.

Ipatutupad ng SEAOIL ang  kanilang adjustments alas-12:01 ng madaling araw ngayong Martes, Hul­yo 24, habang ang ibang kompanya ay magpapalit ng pres­yo ng petrolyo alas-6:00 ngayong umaga. Ang ibang kompanya ay hindi pa nakapag-aanunsiyo ng kanilang pagbabago ng presyo ng langis ngayong linggo.

Nagpatupad na ang Unioil ng pagbabago ng kanilang presyo simula pa kahapon, Lunes,  ika-2 ng hapon.

Ayon sa datos ng Department of Energy, ang presyo kada litro ng diesel sa kasalukuyan ay nasa P40.70 hanggang P46.50, at ang gasolina ay mula sa P48.35 hanggang  P59.62.

Related posts:

PETROLYO_4PRESYO NG PETROLYO MAHIGIT P2 ANG TAPYAS SIMULA NGAYON PETROLYOPETROLYO SISIRIT SA SUSUNOD NA LINGGO PETROLYOPRESYO NG PETROLYO SISIPA SIMULA NGAYON Default ThumbnailPRESYO NG PETROLYO HIHIMAYIN SIMULA HULYO 4 PETROLYO-17OIL FIRMS NAGPETISYON PARA ITIGIL ANG PAGHIMAY SA PRESYO NG PETROLYO PETROLYO-18HIGIT P1 ANG TAAS-PRESYO SA PETROLYO PETROLYO-17KOMPANYA NG LANGIS NAGDAGDAG-BAWAS SA PRESYO NG PETROLYO Default ThumbnailROLLBACK SA PRESYO NG PETROLYO NGAYONG ARAW

Comments are closed.