OLYMPIC SLOTS SASAGWANIN NG PINOY ROWERS

LIMANG Pinoy rowers ang magtatangkang makakuha ng puwesto sa Olympics sa pag-arangkada ng 2021 World Rowing Asian-Oceanian Olympic Qualification Regatta sa Tokyo, Japan.

Umaasa si Philippine Sports Commission (PSC) Chairman William ‘Butch’ Ramirez na marami pa ang magkuku-walipika mula sa national team at tiniyak niya na ibibigay ng PSC ang lahat ng suporta nito sa mga atleta sa kabila ng kasalukuyang sitwasyon hanggang makakaya nito.

“Salamat po sa PSC sa pagsuporta at pagtitiwala sa amin. Regular po ang online consultations namin sa sports psychology and sports physiology,” wika ni Melcah Jen Caballero.

Pinasalamatan ni Caballero ang PSC sa lagi nitong pagpapalakas sa kanilang mental health, sa pamamagitan ng Medical Scientific Athletes Services (MSAS) units ng ahensiya.

Kasama ni Caballero na sasabak sa women’s lightweight women double sculls  si  Joanie Delgaco, habang sina Zuriel Sumintac at Roque Abala ay lalahok sa men’s lightweight double sculls. Sasalang naman si Cris Nievarez sa men’s single sculls mula Mayo 5 hanggang Mayo 7.

Nagpasalamat din si rowing coach Edgardo Maerina sa sports agency.

“Diresto ang suporta at monitoring nila sa amin. Hindi man naging madali ang preparations, motivated ang mga athletes natin,” sabi ni Maerina — ang unang Pinoy na sumabak sa  Olympic rowing noong 1988.

Sinagot ng PSC ang hotel accommodation, allowances, at airfare ng team na nagkakahalaga ng P1.4 million. Kasama rin dito ang gastos para sa RT-PCR tests pagdating nila sa  Tokyo, at accommodation assistance sa pagbalik nila sa bansa. CLYDE MARIANO

Related posts:

OLYMPIC BERTHS TARGET NG PINOY SURFERS RAMIREZ SA OLYMPIC GOLD: MAY PAG-ASA TAYO OLYMPIC PREP NI YULO TAMPOK SA PSA FORUM HIDILYN SABIK NANG MAKAPILING ANG PAMILYA P.5-M INCENTIVE SA OLYMPIC NON-MEDALISTS IKA-4 NA SUNOD NA OLYMPIC GOLD SA TEAM USA OLYMPIC MEDALISTS NAGPASALAMAT SA TAGUMPAY NA NAKAMIT OLYMPIC MEDALISTS PINARANGALAN SA MALAKANYANG