“Napansin kong nahirapan akong kumontak sa PhilHealth mula nang maapektuhan kayo ng cyberattack. Saan mabilis na masasagot ang aking mga katanungan?”
– Jenny
Roxas District, Quezon City
Hi, Jenny! Kumusta ka? Bilang agarang tugon sa nangyaring insidente noong Setyembre, agad kaming nag-disconnect ng aming mga sistema para hindi na kumalat ang epekto ng pag-atake. Kasama na rito ang aming official e-mail account.
Pero, ngayon ay balik online na ang aming e-mail. Maaari mo nang ipadala ang iyong mga katanungan, kumento, o suhestiyon sa [email protected]. Bukod dito, nasa social media rin kami! Pwede mo kaming i-PM at i-DM sa Facebook (facebook.com/PhilHealthOfficial) at Twitter na ngayon ay X na (@teamphilhealth). Nakaabang ang ating mga kaibigan sa PhilHealth para sagutin ang mga mensahe niyo.
Isa pang magandang balita, Jenny. Malapit nang ilunsad ang aming 24/7 hotline number! Una na naming ginawa ito noong 2020 hanggang 2021, kasagsagan ng pandemya. Agad kaming magpapalabas ng anunsyo tungkol sa nakapananabik na development na ito sa mga susunod na raw.
Kung may oras ka, pwede mo kaming dalawin sa aming mga opisina para personal ka naming asistehan sa iyong mga pangangailangan. Nasa aming website ang kumpletong listahan ng aming mga tanggapan: https://www.philhealth.gov.ph/about_us/directory/.
Salamat sa tanong mo, Jenny. Merry Christmas and Happy New Year sa iyo at sa iyong pamilya!
————————————————————————————————-
ANUNSYO
Good news mga ka-PhilHealth! Mapapakinggan na tuwing Huwebes, alas-tres ng hapon ang Alagang PhilHealth sa DZBB Super Radyo. Linggo-linggo kaming magbibigay ng impormasyon sa inyo tungkol sa aming mga programa, benepisyo, at serbisyo.
Mapapanood din ito sa aming Facebook Page: www.facebook.com/PhilHealthOfficial. Makakasama niyo ang aming Acting Vice President for Corporate Affairs, Rey T. Baleña, at si Ms. Kathy San Gabriel sa nasabing programa.
Maaari kayong magpadala ng inyong mga tanong para masagot on-air ang mga ito. Sana ay sundan niyo ang aming programa! Excited na kaming makasama kayo!
BALITANG REHIYON
Para sa inyong mga katanungan, kumento, at suhestiyon, mag-iwan ng voice-mail sa aming Callback Channel: 0917-8987442 para sa detalye ng concern.
Pwede ring magpadala ng e-mail sa [email protected]. I-follow kami sa Facebook (PhilHealthOfficial) at Twitter (@teamphilhealth) para sa updates tungkol sa NHIP. Panoorin ang mga videos namin sa YouTube at mag-subscribe sa aming Channel (youtube.com/@teamphilhealth).
Related posts:
BENEPISYO AT SERBISYONG PHILHEALTH, DAPAT ALAM MO!
Usapang kontribusyon at paggamit ng benepisyo ng mga bagong rehistrado
Benepisyo para sa Caesarean Section na panganganak; saan pwedeng manganak kung lagpas 35-anyos na si Nanay.
Na-confine muli para sa parehong sakit, magagamit pa ba ang benepisyong PhilHealth? Benepisyo, madaling malaman sa PhilHealth case rates app
Ligtas pa ba ang impormasyon ko sa PhilHealth? Kung naka-down ang system ng PhilHealth, makagagamit pa rin ba ko ng benepisyo?
Totoo bang hindi binulsa ng PhilHealth ang P15-B? Bakit ba kayo nalusutan ng Medusa? Hindi ba kayo magbabayad sa kanila para matiyak na ligtas ang mga impormasyon namin?
Kailan maibabalik sa normal ang operasyon ng PhilHealth? Mensahe ng pasasalamat sa PhilHealth mula sa isang dialysis patient
Outpatient Mental Health Benefit Package