RIZAL- ARESTADO ang tatlong srug pushers sa isinagawang buy bust operation na nakumpiskahan ng mga tauhan ng Angono Municipal Drug Enfocement Team (MDET) ng P1. 5 milyong halaga ng marijuana leaves sa Angono sa lalawigang ito kamakalawa ng gabi.
Sa pamumuno ni MDET Capt. Mark Lowie Tarooquin at koordinasyon sa PDEA 4A, nasakote ang tatlong suspek na kinilalang sina Shan Rancel Castro y Samson, Ricky Castor y Flores at Rose Cortez y Alforte , pawang mga nasa hustong gulang at residente ng Angono, Rizal.
Nabatid na dakong alas-10:20 kamakalawa ng gabi nadakip ang tatlo sa Purok 6, Zone 2, Machinery, Brgy. Mahabang Parang, Angono, Rizal.
Narekober sa mga suspek ang 12 piraso ng ladrilyo na pinatuyong dahon ng Marijuana na nakabalot sa plastic, 3 piraso ng Zip Lock plastic transparent sachet na naglalaman din Marijuana leaves na tumitimbang ng 12. 1/2 kilo at may street value na P1,500,000.00, 3 piraso ng digital weighing scale, Isang piraso ng Oppo Android Phone, Isang pakete ng walang laman na J&T plastic wrap, Isang piraso ng plastic Basin, Isang piraso ng Storage box, Dalawang piraso ng P1,000 bill na ginamit bilang buy bust money at apat na piraso ng P500 bill na drug money.
Kasalukuyan ng nakapiit mga suspek sa Angono Jail at nahaharap sa kasong RA 9165. ELMA MORALES