P11.5-M SHABU KUMPISKADO SA APAT NA PUSHER

PILIPINO Mirror
arestado

BULACAN – ARES­TADO sa buy bust operation ang apat na hinihinalang drug pushers sa siyudad ng Meycauayan.

Sa report na nakarating kaya Acting Provincial Director P/Col. Lawrence Cajipe, kinilala ang mga nadakip na suspek na sina Jonard Halili alyas Billy, 25, na kabilang sa drug watchlist sa lungsod; Erwin Borrinaga alyas Junior, 18,  ng Brgy. Pantoc sa nabanggit na siyudad.

Nakumpiska mula sa kanila ang pitong medium at 3 malala­king plastic sachet ng hinihinalang shabu na tumitimbang ng 1.5 kilo na nagkakahalaga ng P10,200,000 at isang itim na motorsiklo.

Habang arestado naman sa follow-up operation sina Mirko Francis Beringuel alyas Micro, 21, Marlon Macarangal, 22-anyos kapwa residente sa Pasay, City.

Nadakip ang dalawa ng pinagsanib na pu­wersa ng MPD station 5 sa Brgy. 666, Zone 72, District 5 T.M. Kalaw St., Manila.

Narekober sa kanila ang apat na plastic sachet ng shabu na may timbang na 200 gramo na nagkakaha­laga ng P1,360,000 at isang kulay pula na motorsiklo na walang plaka.

Samantala, detenido ngayon ang mga suspek sa Meycauayan City Jail habang inihahanda ang kaukulang kaso laban sa kanila. THONY ARCENAL

Related posts:

drug pusherP185K SHABU NASABAT SA 2 TULAK SA MALABON shabuPUSHER BULAGTA, BUNTIS AT 21 PA NADAKIP SA DRUG WAR shabuDALAWANG TULAK, PITONG PAROKYANO TIKLO patayPAGKASA NG TULAK ‘DI UMUBRA SA PARAK shabu3 TULAK ARESTADO SA P4.2-M SHABU drug pusherNAG-PUSHER PARA SA BISYO ARESTADO pusherP13.6 M SHABU NASABAT SA BIG TIME PUSHER shabu3 DRUG PUSHERS TIKLO SA P300K SHABU