P1K LANG NA AYUDA SA BAYANIHAN 3 INALMAHAN NI CAYETANO

TUTOL si dating House Speaker Alan Peter Cayetano sa panukala ng House Committee on Economic Affairs at Committee on Social Services na P1,000 lamang ang ayudang ipamimigay sa bawat indibidwal sa ilalim ng Bayanihan 3.

Sa isang panayam sa Bombo Radyo Dagupan noong Sabado (Mayo 8), sinabi ni Cayetano na sapat ang P200 bilyong pondo ng panukalang Bayanihan 3 para makapagpamahagi ng P10,000 ayuda sa bawat pamilya.

“Hindi limos ang hinihingi ng ating mga kababayan. Tulong, dahil extraordinary ang problema,” pahayag ng dating Speaker.

Nitong Pebrero, inihinain ni Cayetano at ng kanyang mga kaalyado ang P10k Ayuda Bill na naglalayong mabigyan ng P10,000 tulong pinansiyal ang bawat pamilyang Filipino habang patuloy ang kawalan ng trabaho at kagutumang dulot ng pandemya.

Isinama ang panukalang batas sa bagong bersiyon ng Bayanihan 3, pero sa kasamaang-palad ay hindi isinali ang probisyon na P10,000 ayuda bawat pamilya.

Hinimok ng dating Speaker ang publiko na manawagan sa mga mambabatas na suportahan na ang mungkahing mabigyan ng P10,000 tulong pinansiyal ang bawat pamilya.

“Ligawan po natin ang ating mga kongresista,” sabi niya.

Aniya, puwedeng  sumulat ang concerned citizens sa kani-kanilang representante  at mga lokal na opisyal para iendorso ang P10k Ayuda Bill.

Kumpiyansa naman si Cayetano na hindi ibi-veto o tatanggihan ni Pangulong Rodrigo Duterte ang P10k Ayuda Bill kapag ipinasa ito ng Kongreso dahil may mapagkukunan naman ng pondo para rito.

“Nandoon ako sa Gabinete nung ginawa ‘yung Free Education (Act). Iyon din ang sinabi. Pero nung nakita ng Pangulo na may pera, nakita niyang maganda ang programa, laban,” dagdag ni Cayetano.

Related posts:

(Sa ilalim ng Bayanihan 3) P2K AYUDA SA BAWAT FILIPINO (Cayetano umaasa) ‘SNOWBALL OF SUPPORT’ SA P10K AYUDA 5% SAVINGS KASYA PARA SA P10K AYUDA –CAYETANO (Nawalan trabaho dahil sa ECQ) 2K TULONG SA RESIDENTE NG QC NA WALANG AYUDA (Ilalarga ng DPWH) AYUDA SA DISPLACED WORKERS KOREA AAYUDA SA COVID-19 VAX PROGRAM NG PH (Ipagkakaloob ng DA) P852-M AYUDA SA ‘ODETTE’-HIT AGRI SECTOR (Sa ilalim ng Alert Level 3) AYUDA SA DISPLACED WORKERS