ILOILO- AABOT sa P10.88 milyon ang halaga ng 1.6 kilos ng shabu ang nakumpiska sa buy-bust operation ng awtoridad sa Brgy. Tacbuyan, Estancia.
Arestado sa operasyon ng Estancia Municipal Police Station at IPPO-Provincial Intelligence Unit ang dalawang lalaki na may edad 43 at 22.
Bukod sa bulto-bultong shabu, nakumpiska rin sa mga suspek ang buybust money na P9,000.
Pinuri naman ni Police Regional Office 6 Director PBGen. Sidney Villaflor ang operating sa units sa matagumpay na operasyon.
Kasong paglabag sa Republic Act 9165 dahil sa iligal na droga ang kakaharapin ng mga suspek.