PAMPANGA-TINATAYANG aabot sa P2.5M halaga ng shabu ang nakumpiska sa magkakahiwalay na buy bust operations sa bayan ng Mabalacat at Sta. Rita sa lalawigang ito.
Sa report na nakarating sa tanggapan ni PRO3 Regional Director BGen. Matthew Baccay, kinilala ang mga nadakip na suspek na sina Julius Guillermo Y Mariano, 30-anyos ng Brgy, Mawaque Maragul sa siyudad ng Mabalacat.
Sa paunang imbestigasyon ng mga tauhan ng drug enforcement Unit 3 sa ikinasang buy bust sa lugar, nakumpiska sa suspek ang walong plastic sachets ng shabu na naglalaman ng 305 gramo na nagkakahalaga ng P2,074,000.00, shabu paraphernalias at isang weighing scale.
Samantala, arestado rin ng mga tauhan ng Provincial Drug Enforcement Unit at Provincial Intellligence Units sa buy bust ang isang kilalang tulak ng ipinagbabawal na droga sa Brgy, Dila-dila ,Sta. Rita, Pampanga.
Kinilala ang suspek na si Jean Dantes y Selibio, 53-anyos nakumpiska sa kanya ng 55 gramo ng shabu na nagkakahalaga ng P374,000.00, isang weighing scale at cellphone.
Kasong paglabag sa Sec. 5 and Sec. 11, Art II of RA 9165 ang kakaharapin ng mga suspek. THONY ARCENAL