TINATAYANG kikita ng P52.2 milyon ang Bureau of Customs (BOC) sa gagawing auction sale bukas, Agosto 31 sa mga abandonadong kargamento sa Port of Manila (POM).
Ayon kay Customs Commissioner Isidro Lapeña, ang auction sale na ito ay batay sa ilalim ng Section 1139 to 1150 ng Republic Act No. 10863, iyong tinatawag na Customs Modernization and Tariff Act (CMTA), Customs Memorandum Orders at Customs Administrative Orders.
Nabatid mula sa Auction and Cargo Disposal Division (ACDD) ng Port of Manila na ang mga kargamentong kasama sa auction sale ay ang (1) sale lot of high fructose corn syrup na nagkakahalaga ng P1.18-M at tatlong sale lots ng refined sugar na aabot sa P51-M ang floor price.
Kasama rito ang sampung 20-footer containers ng high fructose corn syrup at 60 20-footer containers sacks ng refined sugar.
Ang sinasabing mga asukal na inabandona ng Red Star Rising Corp. ay unang idineklarang mga packaging materials, kitchen utensils, at kraft paper.
Ang mga opisyal ng Red Star Rising Corp. ay nahaharap sa mga kasong kriminal dahil sa paglabag sa Sec-tion 1401 (Unlawful importation) in relation to Section 117 Regulated Importation and Exportation of the CMTA and Section 3 of R.A. 10845 o kilala bilang An Act Declaring Large-Scale Agricultural Smuggling As Economic Sabotage. FROI M.
Related posts:
MGA SUSPEK SA ILLEGAL SALE SA SEIZED ITEMS NG BOC TIMBOG
TRAVELERS MULING PINAALALAHANAN NG BOC
GADGETS NA GAMIT SA BLENDED LEARNING IDO-DONATE NG BOC
PARCEL SCAM IBINABALA NG BOC
IMPORTED ITEMS NASABAT NG BOC SA NAIA
BOC SA NAIA NAKAALERTO SA PAGDATING NG COVID-19
6 LUXURY CARS SINUBASTA NG BOC
(May dalang prohibited used oil) PAG-FORFEIT NG BOC SA BARGE KINATIGAN NG SC
Comments are closed.