PAGADIAN RATSADA SA IKA-3 SUNOD NA PANALO

NAKOPO ng crowd-favorite Pagadian Explorers ang ikatlong sunod na panalo nang durugin ang Kapatagan, 95-67, nitong Sabado sa 2021 Chooks-to-Go Pilipinas VisMin Super Cup Mindanao leg sa City Gymnasium sa Pagadian, Zamboanga del Sur.

Ratsada ang Explorers, tampok ang pitong players na umiskor ng double digits, sa pangunguna ni Rich Guinitaran na may 16 puntos mula sa 7-of-12 shooting, bukod sa limang rebounds at tatlong steals.

Sinimulan ng Buffalo Braves ang second half sa mainit na atake nina Paul Siarot at Ryan Costelo para matapyas ang kalamangan ng Explorers sa 38-46. Ngunit hindi natinag ang Pagadian na umarya ng 18 puntos na bentahe, 62-44, mula sa ibinabang 16-6 run, tampok ang three-pointer ni Von Lloyd Decho tungo sa final period

“Dapat hindi kami nagre-relax kasi baka mamaya naiisip ng players ko na galing kami sa dalawang panalo, sabi ko huwag ninyong isipin ‘yon. Mag-focus tayo sa kalaban natin ngayon,” pahayag ni Pagadian head coach Harold Sta. Cruz.

Umabot sa 28 puntos ang abante ng Pagadian.

Nanguna si Marlon Monte sa Braves (1-2) sa kinamadang 14 puntos, walong rebounds, at apat na assists.

EDWIN ROLLON

Iskor:

Pagadian (95) – Guinitaran 16, Pamaran 15, Caballero 12, Diva 9, Quimado 8, Dechos 8, Serrano 7, Manalo 6, Benitez 5, Baldeo 4, Cortez 4, Demigaya 1, Quillo 0, Singedas 0, Acaylar 0.

Kapatagan (67) – Monte 14, Alanes 12, Palma 10, Fajarito 8, Costelo 6, Ng Sang 4, Teodoro 4, Acain 3, Siarot 2, Mandreza 2, Gabawan 2, Inigo 0, Incio 0, Sollano 0, Tabaquero 0.

QS: 19-17, 46-33, 72-53, 95-67.

Related posts:

CLARIN WALANG DUNGIS SA VISMIN CUP MINDA LEG VISMIN CUP: SEMIS TARGET NG PAGADIAN, ZAMBOANGA CITY BASILAN DUMIKIT SA VISMIN CUP TITLE BASILAN NAKAUNA SA MANDAUE BASILAN LUMAPIT SA KORONA BASILAN HARI SA VISMIN SUPER CUP PAGADIAN, KAPATAGAN TUMATAG SA VISMIN CUP ZAMBOANGA SIBUGAY KAMPEON SA CHOOKS-VISMIN MINDA CHALLENGE