PAGLINANG NG TECH SKILLS NG WORKERS KASADO NG DOLE

PILIPINO Mirror
DOLE

MAYNILA – KASUNOD ng mga nagaganap na pagbabago sa trabaho na nangangailangan ng technologically-adaptive skills, pinulong ng Department of Labor and Employment (DOLE) ang mga career counselor at iba pang human resource development professional ng bansa para sa pagbubuo ng advocacy plan para iangkop ang kakayahan ng mga naghahanap ng trabaho at manggagawa sa mga makabagong teknolohiya.

Sa ginanap na 4th National Career Advocacy Congress sa Legazpi City noong nakaraang linggo, sinabi ni DOLE Bicol Regional Director Exequiel R. Sarcauga na ang career advocacy program ng labor department ay makatutulong sa mga kabataan sa pagbubuo ng desisyon ukol sa pag-aaral at trabaho.

Kanya ring binigyang-halaga ang pangangaila­ngan na makasabay sa ‘Industry 4.0’ o ang Fourth Industrial Revolution na binigyang kahulugan ng bagong teknolohiya na pinagsamang physical, digital at biological world, tulad ng artificial intelligence, 3D at 4D printing, quantum computing, at autonomous vehicles.

Kasabay ng mga pagbabagong ito, dagdag ni Sarcauga, ay ang pagbuo ng kakayahan na kakaila­nganin para sa paggawa ng dekalidad na produkto at serbisyo na tutugon sa pangangailangan ng labor market.

Batay sa ASEAN in Transformation Report ng International Labor Organization, kanyang sinabi na ang technical upgrade at innovation ay may mahalagang epekto sa trabaho sa susunod na dalawang dekada. Tinatayang 49 porsiyento ng empleyo (o mahigit 18 milyon trabaho) ang nahaharap na i-automate sa Pilipinas.

Samantala, sinabi ni Bureau of Local Employment (BLE) Director Dominique Tutay na sa paglalabas ng Career Guidance Advocacy Plan 2018-2022, mabibigyan ang mga estudyante, guro, naghahanap ng trabaho, out-of-school youth (OSY), magulang, training institutions, academe, at Public Employment Service Office ng angkop at napapanahong kaalaman sa reyalidad ng merkado sa paggawa, lalo na sa kabuuang implementasyon ng K to 12 o ang  enhanced basic education law at ang ASEAN Regional Integration.                 PAUL ROLDAN

Related posts:

Default ThumbnailDOLE NAGBABALA VS FAKE LIVELIHOOD, ASSISTANCE DOLEPAY RULES SA MAY 13 POLLS INILABAS NG DOLE EDDIE GARCIA-3DOLE PASOK SA  EDDIE GARCIA ACCIDENT child labor(Kampanya ng DOLE) HOLISTIC APPROACH VS CHILD LABOR workplace violenceWORKPLACE VIOLENCE PINALAGAN NG DOLE 14th month pay14TH MONTH PAY APRUB SA DOLE DOLE_LOGOEPEKTO NG INDUSTRIAL REVO TUTUGUNAN NG DOLE YOUTH EMPLOYABILITYYOUTH EMPLOYABILITY, PALALAKASIN NG DOLE