(Palasyo kumpiyansa) EKONOMIYA UNTI-UNTING NAKABABANGON

DAHIL sa pagtutok sa mga istratehiyang pangkaligtasan sa kalusugan sa gitna ng pandemya ay unti-unti nang nakababangon ang ekonomiya ng bansa.

Ito ang ipinahayag ni Presidential Spokesperson Harry Roque makaraang maitala ang Filipinas bilang ikalawa sa pinaka-malalang lugar sa 53 bansa sa COVID Resilience Ranking ng Bloomberg.

“We cannot deny that the pandemic has greatly affected our economy. But our economic team is confident that we are gradually recovering and will finally recover,” ayon kay Roque.

Aniya, ilang beses nang pinili ng pamahalaan ang kalusugan kaysa ekonomiya  at napatunayan ito kapag magpapalit ng quarantine classification na ang binibigyang-diin ay ang kaligtasan laban sa COVID-19 kaysa pagbubukas sa ekonomiya.

“Our policy right now is really to ensure not ony to bring down the number of COVID (cases) but also to prevent hunger among our people,” ani Roque.

Batay sa Bloomberg COVID Resilience Ranking,ang Filipinas ay nasa ika-52 na may iskor na 45.3.

“India, the Philippines and some Latin America countries rank lowest amid a perfect storm of variant-driven outbreaks, slow vaccination, and global isolation,” ulat ng  Bloom­berg. EVELYN QUIROZ

Related posts:

EKONOMIYA, MSMEs BABANGON SA E-COMMERCE MULING PAGBANGON NG EKONOMIYA NG FILIPINAS SA KABILA NG PANDEMYA (Para mapabilis ang pagbangon) EKONOMIYA BUKSAN PA MGA PROYEKTONG IMPRASTRAKTURA DAAN SA MABILIS NA PAGBANGON NG EKONOMIYA (Dahil sa kumpiyansa sa muling pagbubukas ng ekonomiya) FOREIGN INVESTMENTS BUMUHOS (Tiniyak ng Palasyo) HAZARD PAY SA HEALTH WORKERS (Palasyo kumpiyansa) PH ECONOMY MAKABABANGON MULING PAGBUBUKAS NG EKONOMIYA SA GITNA NG PANDEMYA