PARTIAL OPS SA MRT-3 SIMULA NGAYONG ARAW

 

MAGPAPATUPAD ang  Metro Rail Transit Line – 3 (MRT-3) ng partial operations ngayong araw at bukas upang bigyang-daan ang pagkukumpuni.

Ayon kay MRT-3 Director for Operations Michael Capat, ang  mga operasyon mula  Shaw Boulevard hanggang Taft Avenue ay sususpendihin ng dalawang araw para sa pagkukumpuni, kabilang ang mga riles.

Magpapatuloy naman, aniya, ang serbisyo mula North Avenue hanggang Shaw Boulevard sa weekend.

Ang maintenance works ay naunang itinakda sa kaagahan ng taon subalit naantala dahil sa pagpapatupad ng enhanced community quarantine dulot ng COVID-19 pandemic.

“Ni-reschedule namin ito, now it’s Oct. 10 and 11, supposedly full shutdown sana yan. Now when we reviewed yung work schedule niya, it turned out more concentrated sila rito sa Taft Avenue,” sabi ni Capati.

“Para naman po hindi maabala, ginawan namin ng paraan na partial operations tayo from North Avenue to Shaw Boulevard,” dagdag pa niya.

May isa pang  repair na nakatakda sa Okt. 31 hanggang Nob. 2, ayon kay Capati.

“The on-going maintenance work for the country’s major train line has resulted in no unloading incident since June, restoration of escalators and elevators in all stations, enhanced 40 kph speed and the highest deployment of trains in 20 years.”