PAY HIKE SA FILIPINO NURSES SA GERMANY

MANDALUYONG CITY – GOOD news para sa mga Filipino nurse na nakabase sa Germany.

Ito ay dahil asahan ang pagtaas ng kanilang suweldo sa mga susunod na panahon, anunsiyo ng Philippine Overseas Employment Administration (POEA).

Sa statement na pinadala ng POEA, iniha­yag ang magandang balita alinsunod sa  Triple Win program at mismong ang  German government  ang nag-anunsiyo ng  wage adjustments sa kasagsagan ng 5th Joint Committee Meeting.

Ang Triple Win Project ay government-to-government project sa pagitan ng  German Federal Republic at ng Filipinas.

Ang POEA ang nagtataguyod ng nasabing proyekto.

Batay sa  POEA,  ang mga nurse na na-interbyu at pumirma ng employment contracts simula  Enero 1, 2019, ay makatatanggap ng  2,000 euros at kikilalanin bilang  qualified nurse sa Germany at makaraan nito ay tatanggap ng  2,400 euros.

Ang dating  minimum wage rates sa Filipino nurse ay 1,900 euros at 2,300 euros.  AIMEE ANOC