PBA 3X3: VOSOTROS NO. 1 SA SCORING MATAPOS ANG LEG 3

NAMAMAYAGPAG si TNT pistolero Almond Vosotros sa scoring makaraang pangunahan ang Triple Giga sa makasaysayang hat trick sa Leg 3 ng PBA 3×3 Season 3 Second Conference.

Si Vosotros, nagpahinga sa opening leg at ibinigay ang scoring honors kay Wendell Comboy ng Blackwater sa second, ay nagbalik sa kanyang puwesto na may average na 7.2 points sa Leg 3.

Naunahan ng Triple Giga stalwart sina Meralco’s Joseph Sedurifa (7.17), MCFASolver’s Brandon Ramirez (7.0),
Terrafirma’s Shaq Alanes (6.75) at MCFASolver’s Louie Vigil (6.5) sa pointsproduction category. Kuminang ang teammate ni Vosotros na si Chester Saldua, gayundin sina MCFASolver peers Vigil at Ael Banal, at Christian Rivera ng Purefoods sa ibang statistical departments.

Nadominahan ni Saldua ang rebounding department na may 8.0 per game, kabilang ang 4.8 mula sa offensive glass, kasunod sina Ginebra’s Nichole Ubalde (6.33) at Blackwater’s RJ Deles (6.25).

Nangunguna naman si Banal sa assists na may 4 kasunod sina NorthPort’s Jan Sobrevega (3.5), at Rivera (3.0), habang No. 1 si Vigil sa steals na may 2.5 per outing, kabuntot sina Meralco’s Jeff Manday (1.67) at TNT’s Ping Exciminiano (1.6).

Bumandera si Rivera sa blocks na may 0.75 kasunod sina Ubalde (0.67) at Bong Galanza ng Cavitex (0.6).

CLYDE MARIANO