PBA, MMDA SANIB-PUWERSA

BUMISITA kahapon si Philippine Basketball Association (PBA) Commissioner Willie Marcial kay Metropolitan Manila Development Authority (MMDA) Chairman Benhur Abalos sa headquarters ng ahensiya sa Makati City.

Sa kanilang maikling pagpupulong, tinalakay ng dalawang opisyal ang mga paraan para sa pagbuo ng mas malakas na koordinasyon at kooperasyon, partikular sa panahong ito ng pandemya.

Humingi rin si Marcial ng paglilinaw at gabay mula sa MMDA chief hinggil sa umiiral na kautusan at regulasyon ng  Inter-Agency Task Force on Emerging Infectious Diseases (IATF-EID) sa contact sports tulad ng basketball.

“Basketball is the Filipinos’ national pastime. But there is no denying that the PBA is struggling now because of the pandemic,” ani Abalos.

Nangako si Abalos na tutulungan ang PBA at ang basketball industry sa kabuuan.

Bubuo ang MMDA at PBA ng mga isasagawang aksiyon na magiging katanggap-tanggap sa  IATF.

“We have to ensure the safety of everyone, not only the players, but the general viewing public. We cannot compromise the health and well-being of all,” pagbibigay-diin ni Abalos.

Ang pagtigil ng PBA sa panahon ng pandemya ay nakaapekto sa kabuhayan ng mga indibidwal at pamilya ng mga empleyado ng sports organization, member teams, gayundin ang mga direkta o hindi direktang may kinalaman sa operasyon ng liga.

Nangako ang PBA na mahigpit na susunod sa minimum health standards ng pamahalaan at pananatilihing ligtas ang mga  player, opisyal at lahat ng mga may kinalaman sa pagdaraos ng mga laro sa sandaling payagan ang liga na magbukas sa Metro Manila. CLYDE MARIANO

Related posts:

NGAYON NA SA ‘TROPA’? MATAMIS NA TAGUMPAY LEGENDS SELECTION DARAYO SA QUEZON PBA BALIK-NCR SA GOVERNORS’ CUP?  TEXTERS SILAT SA ACES BALKMAN BALIK-PBA BOLTS, TEXTERS SOSOSYO SA LIDERATO PBA STARS MAGPAPASIKLAB SA BATANGAS