DADALHIN ni slotman Yousef Taha ang kanyang talento sa Alaska Aces.
Sa kanilang Facebook page, opisyal na winelcome ng Aces ang 6-foot-8 center, na lumagda ng kontrata sa koponan bago ang simula ng 46th season of PBA.
Winelcome ni Alaska head coach Jeff Cariaso si Taha sa koponan sa pamamagitan ng kanyang Twitter account.
Ang Filipino-Palestinian cager ay hinugot 11th overall sa 2012 PBA draft ng Air21 Express bago dinala sa Ginebra Gin Kings. Pagkatapos ay napunta siya sa GlobalPort Batang Pier, Petron Blaze Boosters, San Mig Coffee Mixers at TNT KaTropa.
Balik-PBA naman si dating MPBL MVP Gab Banal makaraang pumirma ng kontrata sa Aces.
Si Banal ay second round pick sa 2014 PBA Rookie Draft ng San Miguel Beer makaraang maglaro para sa Mapua University sa NCAA.
Gayunman ay nabigo siyang gumawa ng ingay sa kanyang unang pagsabak sa liga. Itinuloy niya ang paglalaro sa PBA D-League, at ang pinakahuli ay sa MPBL at Chooks-to-Go Pilipinas 3×3.CLYDE MARIANO
Comments are closed.