PBA TEAMS TRAINING APRUB SA BATANGAS

APRUBADO sa Batangas City ang pagdaraos ng PBA teams ng trainings sa gymnasiums ng lungsod bilang paghahanda para sa target na pagbubukas ng liga sa Hunyo.

Nagkaroon na ng inisyal na pag-uusap ang dalawang entities hinggil sa bagay na ito sa pamamagitan ng phone conversation nina PBA commissioner Willie Marcial, Batangas City Mayor Beverley Dimacuha at Congressman Marvin Marino.

“Okay na ang LGU (local government unit). JAO (Joint Administrative Order from the Department of Health, Games and Amusements Board, and Philippine Sports Commission) na lang, and maybe our teams can start practices middle of May,” sabi ni Marcial.

Personal na makakausap ni Marcial sina Dimacuha at Marino sa mga susunod na araw upang magtakda ng protocols na magiging gabay ng mga koponan sa pagsasanay sa Batangas.

Nangako sina Dimacuha at Marino na ipagagamit ang Batangas City Coliseum at ang  Batangas State University Gym. Dati nang nakapa-glaro ang PBA sa dalawang naturang venues.

Ayon kay Marcial, anim hanggang pitong koponan ang posibleng magsanay sa Batangas habang isa o dalawa ang interesadong tanggapin ang imbitasyon ni Ilocos Norte Governor Matthew Manotoc para sa isang camp sa Laoag.

Isinusulong ni San Miguel Corp. sports director at Barangay Ginebra governor Alfrancis Chua ang Batangas dahil sa proximity at accessibility nito.

Target ng mga opisyal ng PBA na masimulan ng mga koponan ang scrimmages sa Mayo, sa pag-asang makapagbukas ang Season 46 Philippine Cup sa Hunyo.

Ang Batangas ay kasalukuyang nasa ilallm ng general community quarantine. CLYDE MARIANO

Related posts:

NGAYON NA SA ‘TROPA’? MATAMIS NA TAGUMPAY LEGENDS SELECTION DARAYO SA QUEZON PBA BALIK-NCR SA GOVERNORS’ CUP?  TEXTERS SILAT SA ACES BALKMAN BALIK-PBA BOLTS, TEXTERS SOSOSYO SA LIDERATO PBA STARS MAGPAPASIKLAB SA BATANGAS