PBAPC PLAYER OF THE WEEK SI WILLIAMS

PINATUNAYAN ni Mikey Williams na siya ang pinakamahusay na rookie sa kanyang hanay sa kasalukuyan.

At kung may pagdududa rito, ipinakita ng TNT Tropang Giga neophyte na isa siya sa rising stars ng liga kasunod ng kahusayang ipinamalas sa pinakamalaking entablado ng kanyang batang career.

Nakasagupa ang dating five-time champion San Miguel sa semifinals, ang spitfire guard ay nagkumahog sa simula, subalit nakabawi sa tamang pagkakataon upang tulungan ang Tropang Giga na magwagi sa best-of-seven series na umabot sa Game 7 at umusad sa PBA Philippine Cup Finals.

Ang No. 4 overall pick sa huling draft ay sinandigan ng koponan sa huling dalawang laro nito sa semis tungo sa kanilang ikalawang sunod na All-Filipino championship appearance, at maisaayos ang title showdown sa Magnolia Hotshots na magsisimula sa Miyerkoles.

Si Williams ay may average na 15.7 points, tampok ang impresibong 45-percent clip mula sa downtown (10-of-22), bukod pa sa 5.0 assists at 4.0 rebounds upang mapiling huling Cignal Play-PBA Press Corps Player of the Week ngayong conference.

Ang Fil-Am ace ay nagpakawala ng 18 points sa apat na triples, 4 assists, at isang steal sa 110-90 panalo ng Tropang Giga laban sa Beermen sa Game 5 para sa 3-2 series lead.

Si Williams ay nalimitahan sa 9 points sa 103-90 pagkatalo ng TNT sa Game 6, bago ibinuhos ang lakas sa rubber match sa pamamagitan ng all-around 20-8-6 line sa 42 minutong paglalaro nang kunin ng Tropang Giga ang 97-79 panalo.

Nagbuhos siya ng 15 points, 6 rebounds, at 4 assists sa kanyang total output sa tatlong quarters lamang kung saan nalimitahan ng TNT ang SMB sa pinakamababang scoring output nito sa tatlong quarters sa series (55), bago nanalasa ang iba pa sa Tropang Giga sa final period ng blowout win.

Tinalo ni Williams sina teammates RR Pogoy at Troy Rosario, gayundin sina Magnolia’s Mark Barroca, Ian Sangalang, Calvin Abueva at Jio Jalalon para sa weekly honor na ipinagkakaloob ng grupo na nagko-cover ng PBA beat. ] CLYDE MARIANO

Related posts:

Tolentino PBAPC Player of the Week PBAPC PLAYER OF THE WEEK SI BOLICK WILLIAMS PBAPC PLAYER OF THE WEEK PBAPC PLAYER OF THE WEEK SI THOMPSON PBAPC PLAYER OF THE WEEK SI STANDHARDINGER WILLIAMS HATAW SA PBAPC AWARDS NIGHT CARACUT PBAPC PLAYER OF THE WEEK PBAPC PLAYER OF THE WEEK SI MALONZO