PEDICAB DRIVER, PAINTER AT 1 PA TIKLO SA DROGA

MAYNILA – SWAK sa kulungan ang tatlo katao nang makuhanan ng shabu ng Manila Police Station 9 sa panulukan ng Zapanta Street at Arellano Ave­nue.

Kinilala ng pulisya ang mga suspek na sina Jon Jon Agustin, 38-anyos, pedicab driver; Raymond Lagun­sad, 26-anyos, painter; at Ernesto Castillo, 41-anyos, walang trabaho at pawang residente ng lungsod.

Nangyari ang pag-aresto sa mga suspek pasado alas-12:30 ng mada­ling araw kahapon  matapos magsagawa ng anti-criminality campaign ang elemento ng Station Drug Enforcement Unit Malate Police Station PS-9.

Narekober sa tatlong suspek ang tatlong sachet ng shabu.

Pansamantalang ikinulong ang mga suspek sa PS-9 custodial faci­lity para sa bookings at documentation.

Mahaharap sila sa kasong paglabag sa RA 9165 o Comprehensive Dangerous Act of 2009. PILIPINO MIRROR REPORTORIAL TEAM